Hukumatga taqdim etilgan qonun chet elliklar va fuqaroligi bo‘lmagan shaxslarning Rossiyaga kirishi va chiqishini tartibga soladi. Hujjat normativ-huquqiy hujjatlar portalida e’lon qilinmagan, ammo IIV undan asosiy parchalarni taqdim etdi.
Qonun loyihasida quyidagilar taklif qilingan:
- Rossiyaga kirishda barcha chet elliklarni suratga olish va ularning barmoq izlarini majburan olish;
- Rossiyada noqonuniy bo‘lgan chet elliklar va Rossiyadan chiqib ketishi cheklanganlar uchun «nazorat ostida bo‘lish» rejimini o‘rnatish;
- Chet el fuqarosining «raqamli profilini» yaratish;
- xorijliklarning Rossiyada bo‘lish muddatini ilgari bo‘lgani kabi olti oy emas, balki kalendar yili davomida 90 kungacha cheklash;
- Rossiya hududidagi chet el fuqarosining shaxsini tasdiqlovchi yagona «hujjat» berish, bu hozirda berilgan barcha migratsiya hujjatlarini almashtiradi;
- chet ellik ishchilarni Rossiyada ishlash huquqini beruvchi maxsus reyestrga, ish beruvchilarni esa chet elliklarni yollashga ruxsat beruvchi boshqa reyestrga kiritish;
- chet elliklar bilan «sodiqlik shartnomasi» tuzish, ularni Rossiyada bo‘lishini cheklash imkoniyati yoki qonunlarni buzgan taqdirda mamlakatni tark etish huquqi to‘g‘risida ogohlantirish;
- chet elliklarni nafaqat sudlarga, balki suddan tashqari federal ijro organlariga ham deportatsiya qilish huquqini berish;
- chet el fuqarolarining Rossiyada bo‘lishi ustidan ma’muriy nazoratni politsiyaning funksiyalaridan biriga aylantirish.
Qayd qilinishicha, Ichki ishlar vazirligi tomonidan kiritilgan qonun loyihasi chet elliklarning «ayrim huquqlarini cheklash» va «ularga qo‘shimcha mas’uliyat yuklash» bilan bog‘liq choralarni qo‘llash imkonini beradi.
22 mart kuni Moskvadagi «Krokus Siti Xoll» binosida sodir etilgan teraktdan keyin Rossiyada noqonuniy migrantlarni aniqlash bo‘yicha ko‘plab tadbirlar o‘tkazildi. Qayd qilinishicha, sudlarda migratsiya qonunchiligiga rioya qilmaslik bilan bog‘liq ma’muriy huquqbuzarliklar to‘g‘risidagi ishlar karrasiga ko‘paygan, yuzlab migrantlar Rossiyadan deportatsiya qilingan.
