Kun.uz ingliz tilida ishlovchi jurnalistlarni ishga taklif qiladi

Ingliz tahririyatiga qabul qilinadigan muxbirlarning asosiy vazifasi – voqea-hodisalarni yoritib borish orqali Kun.uz'ning ingliz tilidagi talqinini boyitish, xususan, intervyular va jurnalistik videokontent hisobiga rang-baranglikni oshirish bo‘ladi.

Nomzodlarning ingliz tilini bilish darajasi IELTS mezonlari bo‘yicha yoki yozish, yoki gapirish ko‘nikmasi bo‘yicha 7 balldan kam bo‘lmasligi lozim. Muxbirlar o‘z tanloviga ko‘ra ish faoliyatida asosiy e’tiborni matn bilan ishlash (shu jumladan, tarjima) yoki videokontent yaratishga qaratishlari mumkin.

Nomzodlarga qo‘yiladigan talablar:

• ingliz tilini egallash ko‘nikmasi yuqorida ta’riflangan darajaga mos bo‘lishi;

• Toshkent shahri yoki unga yaqin hududda istiqomat qilish, Kun.uz'ning Toshkent shahridagi ofisiga kelib ishlash;

• vaqti-vaqti bilan xorijga xizmat safarlari uchun chiqish imkoniyatiga ega bo‘lishi lozim.

Sohasidan qat’i nazar, ingliz tili faoliyatining asosini tashkil etuvchi mehnat tajribasiga ega nomzodlarga ustuvorlik beriladi.

Kun.uz quyidagilarni taklif etadi:

• raqobatbardosh oylik maosh;

• rasmiy mehnat shartnomasi;

• ofisda bepul tushlik;

• kasbiy rivojlanish uchun imkoniyatlar.

Nomzodlardan o‘zi haqida erkin tarzda yozilgan ma’lumotlarni Telegram'dagi @kunuzkadr manziliga yuborish so‘raladi. Kadrlar bo‘limi tanlab olingan nomzodlar bilan telefon orqali bog‘lanadi.