Endi Singapur menejmentni rivojlantirish institutida ham ACCA va IELTS imtihonlari o‘tkaziladi

Singapur menejmentni rivojlantirish instituti rasman "British Council"ning ACCA va IELTS test hamkoriga aylandi.Joriy yil bahorda mazkur muassasada ACCA va IELTS imtihonlari topshirish mumkin.

Joriy yilning 16 fevral kuni Toshkent shahridagi Singapur menejmentni rivojlantirish institutida TSMRI (Singapur menejmentni rivojlantirish instituti) va "British Council" o‘rtasida hamkorlik va o‘zaro anglashuv memorandumi imzolandi. Hamkorlik memorandumi ta’lim sifatini oshirishda hamda yoshlarni yetuk kadr qilib yetishtirishda muhim omil ekanligi, kelgusida hamkorlikni yangi bosqichga olib chiqishga zamin yaratishi ma’lum qilindi.

TSMRI rektori doktor Ilhom Mamatqulov va "British Council"ning O‘zbekistondagi direktori Denis Ueddingxem boshchiligida bo‘lib o‘tgan uchrashuvda TSMRI rasmiy ravishda IELTS ro‘yxatga olish markazi hamda ACCA va IELTS test hamkoriga aylandi. Bu esa o‘z navbatida institut talabalari va xodimlari uchun bir qator imtiyozlarni taqdim etadi. Shuningdek, 2024 yilning bahoridan boshlab TSMRI kampusida ACCA va IELTS imtihonlarini o‘tkazilishiga kelishildi.

Reklama