Yevro-2024 saralashi guruhlarida navbatdagi tur uchrashuvlari bo‘lib o‘tdi. Bu turda Slovakiya, Vengriya, Albaniya, Daniya, Niderlandiya, Shveytsariya va Ruminiya yo‘llanmani hal qildi. Hozirgacha chempionatda ishtirok etuvchi 16 jamoa (mezbon Germaniya bilan birga) nomi ma’lum bo‘lib ulgurgan.
A guruhi
Yamaldan chiroyli gol
Kipr — Ispaniya 1:3
Gollar: Pileas (75) — Yamal (5), Oyarsabal (22), Xoselu (28).
Ispaniya – Rayya, Navas (Karvaxal, 66), Le Norman (David Garsiya, 46), Pau Torres, Grimaldo, Merino (Aleish Garsiya, 46), Subimendi, Gavi, Oyarsabal (Rikelme, 40), Yamal (Ferran Torres, 73), Xoselu.
Allaqachon turnir yo‘llanmasini naqd qilgan Ispaniya milliy jamoasi futbolchilari Kiprda yayradi. Luis de la Fuenta boshqaruvidagi «Qizil furiya» yana o‘z o‘yinidan bahra olishda va muxlislarga zavq bag‘ishlashda davom etmoqda. Yamalning hisobni ochuvchi goli ham ramziy ma’noga ega bo‘ldi. Bu gol urilgan hujum individual mahorat va jamoaviy sa’y-harakatlar uyg‘unligida urildi, mehmonlar golli kombinatsiya davomida ushbu saralash bosqichi uchun rekord darajadagi 22 uzatmani amalga oshirishdi.
Calm as you like from Lamine Yamal 🇪🇸😎#EURO2024 pic.twitter.com/JJf7dvWz2H
— UEFA EURO 2024 (@EURO2024) November 19, 2023
Yamal bu safar hech qanday shaxsiy rekord o‘rnatmagan bo‘lsa-da, unikal yutuq hammualliflaridan biriga aylandi. Payshanba oqshomidagi o‘yinda 16 yoshli forvard bilan (u avvalroq milliy jamoa tarixidagi eng yaxshi futbolchi bo‘lgandi) bir vaqtda Xesus Navas ham o‘ynadi. Ularning yoshidagi farq hayratlanarli darajada — 21 yil-u 234 kun. Navas shu kunlarda 38 yoshga kirganini nishonlagandi va bu hozirgi shtab futbolchilarning yoshiga qaramasligini yana bir bor isbotlaydi. Shuning uchun Hoselu milliy jamoada samarali o‘ynamoqda, u o‘rtacha har 45 daqiqada bitta golli harakat amalga oshirmoqda. 33 yoshli faxriy futbolchi yozda milliy jamoada debyut qilgandi va o‘tgan vaqt ichida 5 gol urib, 2 golga uzatma bergan. Kiprda u 1+1 ko‘rsatkichini qayd etdi.
Gurjiston — Shotlandiya 2:2
Gollar: Kvaratsxeliya (15, 57) — Maktominey (49), Shenklend (90+3).
Gurjiston – Mamardashvili, Kakabadze, Kashiya, Kverkveliya, Lochoshvili (Kalandadze, 78), Kvekveskiri (Mekvabishvili, 70), Kochorashvili, Chakvetadze (Davitashvili, 79), Shengeliya (Azarov, 72), Kvaratsxeliya, Mikautadze (Zivzivadze, 69).
Shotlandiya – Klark, Patterson (Ralston, 79), Makkenna, Porteus, Teylor (Armstrong, 79), Makgregor, Maktominey, Gilmor (Maklin, 46), Makginn, Kristi (Fergyuson, 46), Dayks (Shenklend, 86).
Bu saralash bosqichida faqat kiprliklarni yenggan gurjistonliklar Yevropa chempionatiga faqat bahordagi o‘tish o‘yinlari orqali yo‘l olish imkoniyatiga ega, u yerda Villi Saniol jamoasi Millatlar ligasidagi guruh g‘olibi sifatida qatnashadi. Tan olish kerakki, bu turda mezbonlar yaxshi o‘yin ko‘rsatishdi, Kvaratsxeliya navbatdagi benefisini namoyish etib, gollari sonini 14 taga yetkazgan holda milliy jamoa tarixidagi eng yaxshi to‘purarlar safida to‘rtinchi o‘ringa ko‘tarildi.
Milliy jamoada aql bovar qilmas samaradorlik ko‘rsatayotgan Maktominay esa ikkinchi bo‘lim boshida javob qaytardi, bungacha to‘rt yil ichida Shotlandiya safida atigi bir gol urgan yarimhimoyachi, 2023 yilda yetti bor raqiblar darvozasini ishg‘ol etdi. Lekin ko‘p o‘tmay «Napoli» vingeri o‘z uslubida qanotdan markazga ko‘chib, bir necha himoyachini ortda qoldirgan holda to‘pni darvoza to‘riga yo‘lladi. Shu bilan birga, mezbonlar pley-offdan oldin hakam hushtagi chalingunicha diqqatni yo‘qotmaslik zarurligi bo‘yicha saboq olishdi, o‘yinga qo‘shib berilgan daqiqalarda Shenklend hisobni tenglashtiruvchi golni urdi.
19 noyabr. Shotlandiya – Norvegiya, Ispaniya – Gurjiston.
B guruhi
Parijda rekordlar kuni
Niderlandiya – Irlandiya 1:0
Gol: 1:0 – 11 Veghorst.
Niderlandiya – Verbryuggen, Dumfris, Blind, de Vrey, van Deyk, Xartman, Sxauten (de Ron, 90), Reynders (Kopmeyners, 90), Simons (Malen, 80), Gakpo (Verman, 69), Veghorst.
Irlandiya – Bazunu, Doerti (Jonston, 78), O`Shi (Perrott, 90), Skeylz, Kollinz, Menning, Braun, Kallen, Nayt (Molambi, 78), Robinson (Ida, 46), Fergyuson (Makgret, 55).
Ronald Kuman avval ham niderlandlarni Yevropa birinchiligiga olib chiqqandi, ammo o‘sha turnir pandemiya tufayli bir yilga kechiktirilgan, murabbiy esa kutishni istamagan va «Barselona»da ishlash orzusini amalga oshirish uchun milliy jamoani tark etgandi. Shanba kuni «to‘qsariqranglilar» kutilgan vazifani bajarishdi, Yevro-2024 sari yo‘l Veghorstning solosi orqali amalga oshirildi, u himoyachilarga orqa o‘girib turgan holda burilib jarima maydoniga yorib kirdi va to‘pni darvozaga joyladi.
Bu forvard milliy jamoaning kuzdagi besh o‘yinidan uchtasida gol urgan, jumladan Irlandiyaga qarshi o‘yindagi (2:1) g‘alaba goliga mualliflik qilgan. Ammo bu o‘yinni ham xotirjamlik bilan yakunlab qo‘yish imkoni bo‘lmadi. Qator vaziyatlar yo‘qqa chiqarilgach, ikkinchi bo‘lim boshlanganida Verbryuggen Idaning uzoq masofadan yo‘llagan zarbasidan keyin to‘pni qo‘lidan chiqarib yubordi va to‘p darvoza chizig‘ini kesib o‘tdi. Ammo mezbonlar baxtiga irlandiyalik futbolchi ofsayd holatida edi.
Fransiya – Gibraltar 14:0
Gollar: 1:0 – 3, avtogol Santos, 2:0 – 4 Tyuram, 3:0 – 16 Zair-Emeri, 4:0 – 30, penalti Mbappe, 5:0 – 34 Kloss, 6:0 – 36 Koman, 7:0 – 37 Fofana, 8:0 – 63 Rabio, 9:0 – 65 Koman, 10:0 – 73 Dembele, 11:0 – 74 Mbappe, 12:0 – 82 Mbappe, 13:0 – 89 Jiru, 14:0 – 90 Jiru.
Fransiya – Menyan, Kloss, Upamekano (Saliba, 81), Todibo, Ernandes, Rabio (Kamara, 67), Zair-Emeri (Fofana, 20), Koman (Dembele, 66), Grizmann, Tyuram (Jiru, 67), Mbappe.
Bu o‘yindagi intriga faqat tablodagi hisob bilan bog‘liq edi, ammo juda ilk daqiqadanoq tarixiy ko‘rsatkich qayd etildi — bu milliy jamoaga ilk bor chaqiruv olgan Zair-Emeri tufayli. Bungacha Fransiya safida undan yoshroq futbolchi 1911 yilda o‘ynagandi. «PSJ» havbeki milliy jamoada eng erta debyut qilgan uchinchi yosh futbolchiga aylandi (17 yoshu 255 kun), shu bilan birga, «uchranglilar»ning yuz yildan ortiq vaqt davomidagi eng yosh gol muallifi bo‘ldi.
Ammo golli zarba yo‘llagan vaqtida «PSJ» yarimhimoyachisi jarohat oldi (u mavsum oxirigacha safdan chiqqani aytilmoqda), uning oyog‘iga zarba bergan Santosga esa videotakrordan keyin qizil kartochka ko‘rsatildi. Bu himoyachi — o‘yinning haqiqiy antiqahramoniga aylandi, chunki Gibraltarning yirik hisobda tor-mor bo‘lishi uning avtogoli bilan boshlangandi, ko‘pchilik bo‘lib qolganidan keyin esa Didiye Desham jamoasi birinchi bo‘limning o‘zida hisobni 7:0 ko‘rinishiga keltirdi. Birinchi bo‘lim oxiridayoq bu oqshom barcha zamonlardagi yangi rekord o‘rnatilishi bilinib turgandi. Avvaliga Fransiya o‘z tarixidagi eng yirik g‘alabaga erishib, milliy rekordni yangiladi.
Bundan oldingi eng yaxshi natija — 1995 yil sentabrida Ozarboyjonga qarshi o‘yinda qayd etilgan 10:0 — Mbappening ikkinchi golidan keyin quladi. Keyinroq Kilian maydon markazidan yo‘llagan zarbasi bilan het-trikni nishonladi.
🇫🇷 Mbappé
— UEFA EURO 2024 (@EURO2024) November 18, 2023
🇦🇿 Makhmudov
🇫🇮 Håkans
🇰🇿 Chesnokov
Tap to vote for your Goal of the Round 🥇 #EQGOTT | @AlipayPlus
25 yoshga ham to‘lmagan Mbappe faoliyatidagi gollari sonini 300 taga yetkazib qo‘ydi, bu yoshda uning natijasini Messi ham, Krishtianu Ronaldu ham qayd eta olmagan. U shuningdek Fransiya milliy jamoasi to‘purarlari ro‘yxatida shu kuni o‘yinni golsiz o‘tkazgan Grizmanni quvib o‘tib, uchinchi o‘ringa chiqdi. Jiruning goli esa tort ustidagi bezakka aylandi. Qaychi uslubidagi zarba bilan urilgan bu gol chiroyli bo‘lishdan tashqari saralash turnirlaridagi eng yirik hisob o‘rnatilishini ta’minladi. Bungacha rekord San-Marino ustidan 13:0 hisobida g‘alaba qozongan Germaniyaga tegishli edi.
21 noyabr. Gretsiya — Fransiya, Gibraltar — Niderlandiya.
S guruhi
Jorjinyoning dahshati va Palmerning premiyerasi
Italiya — Shimoliy Makedoniya 5:2
Gollar: Darmian (17), Kiyeza (41, 45+2), Raspadori (81), El Sha’roviy (90+3) — Atanasov (52, 74).
Aniq ijro etilmagan penalti: Jorjinyo (40).
Italiya – Donnarumma, Darmian, Acherbi, Gatti, Dimarko, Bonaventura (Frattezi, 62), Jorjinyo (Kristante, 62), Barella, Berardi (Al Sha’roviy, 76), Kiyeza (Dzaniolo, 62), Raspadori (Skamakka, 90).
Shimoliy Makedoniya – Dimitriyevski, Musliu, Serafimov, Manev (Ashkovski, 46), Dimoski, Alioski, Ademi (Atanasov, 46), Elezi (Alimi, 64), Bardi, Elmaz (Churlinov, 72), Miovski (Ristovski, 46).
Italiya juma kuni o‘tmish sharpalariga ham qarshi kurashishi talab etilardi, chunki aynan makedoniyaliklar «Skuadra adzurra»ni JCh-2022 yo‘llanmasidan quruq qoldirgandi va bu jamoada inqiroz yuzaga keltirgan, natijada Roberto Manchini iste’foga chiqib ketgandi. Milliy jamoadagi debyutini bolqonliklarga qarshi o‘tkazgan Luchano Spalletti esa durang qayd etdi. Apennin orollarida buni yaxshi eslab qolishgan. Xuddi jahon birinchiligi uchun saralashda Jorjinyo foydalana olmagan ikkita 11 metrlik jarima zarbasi kabi, bu xatolar to‘rt ochko yo‘qotilishiga sabab bo‘lgandi.
Ma’lum vaqt o‘tib futbolchi o‘sha epizodlar uni hayotining oxiriga qadar ta’qib etishini tan oldi. Ammo juma kuni Jorjinyo bir xatoni takrorlashda davom etib, zarba berishdan oldin yana sakradi va bu safar ham Dimitriyevskiga muammo tug‘dira olmadi. To‘g‘ri, hozirgi vaziyat va Shveytsariyaga qarshi yodda qolgan o‘yinda farqlar bor. Birinchidan, bu safargi xato vaqtida «adzurri» Raspadorining uzatmasidan keyin 2015 yildan buyon milliy jamoada gol urmagan Darmianning zarbasi tufayli hisobda oldinda borayotgandi. Ikkinchidan, Jorjinyoning xatosidan keyin darhol Kiyeza Barellaning tovon bilan bergan pasini golga aylantirdi. O‘yin boshida to‘qnashuv tufayli yengil jarohat olgan forvard o‘ziga keldi va bo‘lim oxirida dublni rasmiylashtirdi.
Barella back-heel assist 😍#EQSkills | @HisenseSpors pic.twitter.com/dwy3cr9NN4
— UEFA EURO 2024 (@EURO2024) November 17, 2023
Ammo Italiya bu safar ham muxlislari asabini sinovdan o‘tkazdi. Zaxiradan ushgan Atanasov ikki gol urib hisobni qisqartirdi va Raspadorining 81-daqiqada urgan goligacha asabiy muhit saqlanib qoldi. Endi italiyaliklar va ukrainlar dushanba kuni o‘zaro bahsda Yevroga kim to‘g‘ridan to‘g‘ri yo‘llanma olishini, kim o‘tish o‘yinlariga o‘tishiga aniqlik kiritishadi.
Angliya — Malta 2:0
Gollar: Pepe (8, avtogol), Keyn (75).
Angliya – Pikford, Trippiyer, Maguayr, Geyi, Tomori (Saka, 46), Aleksander-Arnold, Henderson (Rays, 61), Gallaher (Uoker, 46), Foden, Keyn, Reshford (Palmer, 61).
Avvalgi turdayoq Yevro-2024 ishtirokchisi bo‘lib ulgurgan Angliya ko‘p ter to‘kib o‘tirmadi. Shu qadarki, birinchi bo‘limda darvoza sohasiga birorta zarba yo‘llamasdan g‘olib bo‘ldi. Maltaliklarning avtogoli yetarli bo‘ldi. Va faqat o‘yin oxirlariga borib Garet Sautgeyt shogirdlari stadionga kelgan muxlislarga minnatdorchilik bildirishga qaror qilishdi. Sakaning Keynga pasi bilan kechgan kombinatsiya olqishlarga sazovor bo‘ldi. Xuddi Raysning uzoq masofadan yo‘llagan zarbasi kabi, lekin uning goli ofsayddagi Keyn darvozabonga xalal bergan deb topilib bekor qilindi. Harri shu kuni simulyatsiya uchun ham jazolandi. Bu o‘yin Palmerning debyuti orqali ham yodda qoldi. «Chelsi»da yorqin o‘yin ko‘rsatayotgan futbolchi «Uch sherlar» safida hozirgi murabbiylar shtabi tomonidan o‘ynatilgan 60-futbolchiga aylandi.
20 noyabr. Shimoliy Makedoniya – Angliya, Ukraina – Italiya.
D guruhi
Xorvatiyani Yevrodan bir g‘alaba ajratib turibdi
Armaniston – Uels 1:1
Gollar: 1:0 – 5 Selarayan, 1:1 – 45, avtogol Tiknizyan.
Armaniston – Chancharevich, Chalishir, Aroyan, Arutyunyan, Tiknizyan, Bichaxchyan (Sevikyan, 72), Selarayan, Spersyan, Ivu (Arutyunyan, 64), Dashyan, Ranos (Miranyan, 72).
Uels – Uord, Robers (Broudxed, 79), Devis, Rodon, Mifem, Uilyams, Ampadu, Jyeyms, Uilson (Jyeyms, 66), Bruks (Jonson, 50), Mur.
Armanistonda noyabrdagi o‘yinlardan oldin ilk bor yirik turnirda ishtirok etish uchun imkoniyat saqlanib turgandi va shunba kuni to‘g‘ridan to‘g‘ri raqibga qarshi o‘yin ideal boshlandi. Burchakdan to‘p yetkazib berilishi, to‘p uchun kurash va Selarayan ijrosidagi ajoyib zarba. Uelsliklarning javoban uyushtirgan hujumlariga bo‘lim oxirigacha dosh berib turildi, ammo tanaffus arafasida yoqimsiz holat ro‘y berdi. To‘p autdan tashlab berilishi orqali boshlangan hujumda «ikkinchi qavat»dagi kurashdan keyin Tiknizyan o‘z jamoasi darvozasini ishg‘ol etib qo‘ydi.
Ikkinchi bo‘limni mezbonlarda to‘liq hujumda o‘tkazdi, Bichakchanning zarbasi ustunga tegdi. Tiknizyan va Spersyanda vaziyatlar bo‘ldi, qo‘shimcha vaqtlarda Selarayan Sevikyan uchun ikkita vaziyat yaratib berdi. Birinchi vaziyatda forvardning uzoq burchakka yo‘llangan zarbasini darvozabon qaytardi, ikkinchi vaziyatda to‘pni Selarayanga qaytarib berish mumkin edi, ammo Sevikyan epizodni o‘zi hal etishga qaror qildi, ammo to‘p uning oyog‘iga o‘rnashmadi va maydondan tashqariga chiqib ketdi. Armaniston intrigani oxirgi turgacha saqlab turish imkoniyatidan mosuvo bo‘ldi va Yevro yo‘llanmasidan butkul umid uzdi. Raqobatchilarning durangi oktyabrdagi o‘yinlarni juda muvaffaqiyatsiz o‘tkazgan Xorvatiya uchun sovg‘a bo‘ldi.
Latviya – Xorvatiya 0:2
Gollar: 0:1 – 7 Mayyer, 0:2 – 16 Kramarich.
Latviya – Ozols, Savalniyeks, Balodis, Chernomordyy, Tsiganik, Ikauniyeks, Savelev, Tobers, Yaunzems (Yurkovskis, 89), Dashkevichs (Zelenkov, 89), Uldrikis (Krollis, 83).
Xorvatiya – Livakovich, Stanishich, Erlich, Shutalo, Gvardiol, Modrich (Baturina, 86), Brozovich, Ivanushets (Pashalich, 61), Mayer, Kramarich (Pashalich, 80), Budimir.
«Shashkachilar» bu sovg‘ani mamnuniyat bilan qabul qilishdi. Guruh autsayderiga qarshi o‘yinda ular asosiy ishni qilishdi — Modrich boshlab bergan hujumni Mayyer yakunladi va tezkor gol urildi. Ko‘p o‘tmay Kramarichning zarbasidan keyin favoritning ustunligi mustahkamlandi va amalda o‘yin masalasi hal bo‘ldi. Xorvatiya yirik hisobda g‘alaba qozonishi ham mumkin edi, ammo o‘yin oxirigacha hisob o‘zgarmay qoldi.
A moment of magic from Luka Modrić in the lead up to Croatia's second goal 🇭🇷🪄#EQSkills | @HisenseSpors pic.twitter.com/JafADRSnFT
— UEFA EURO 2024 (@EURO2024) November 18, 2023
Zlatko Dalich jamoasi gollarni so‘nggi turga asrab qolgan bo‘lishi ham mumkin, Zagrebda Armanistonni yengish talab etiladi. Durang yetarli bo‘lmay qolishi mumkin, Uels so‘nggi turda hech narsa kerak bo‘lmagan Turkiyani yengsa, ochkolar tenglashadi va o‘zaro o‘yinlar bo‘yicha ustunlikka ega bo‘ladi. Ammo nima bo‘lganda ham uelsliklar ham, xorvatiyaliklar ham Millatlar ligasi pley-offi ko‘rinishidagi qo‘shimcha imkoniyatga ega bo‘lishadi.
21 noyabr. Xorvatiya — Armaniston, Uels — Turkiya.
E guruhi
Kishinyovda qutqaruvchi gol
Moldova — Albaniya 1:1
Gollar: Baboglo (87) — Tsikaleshi (25, penalti).
Moldova – Raylyan, Revenko (Kojokaru, 46), Posmak, Krechun, Baboglo, Ryabchuk, Ratse, Kaymakov (Kojokar, 76), Motspan (Domashkan, 69), Nikoleyesku (Stine, 76), Postolaki.
Albaniya – Berisha, Hyusay, Jimshiti, Ismayli, Mitay, Bayrami (Gyasula, 80), Ramadani, Aslani, Asani (Muya, 90), Tsikaleshi (Daku, 62), Seferi.
Moldova ham, Albaniya ham saralash siklida shov-shuv ko‘tarishdi. Ammo albanlar Yevro-2016 turnirida qatnashgan bo‘lsa, moldovaliklar — haqiqiy kashfiyotga aylandi. Bir necha yil oldin ularni barcha raqiblari yengardi, ammo bosh murabbiylikka Sergey Kleshchenko tayinlangach, yuqoriga harakat boshlandi.
Avvaliga Moldova Millatlar ligasi guruhida g‘olib chiqilishiga bir baxya qoldi va faqat qo‘shimcha ko‘rsatkichlar tufayli birinchi o‘rinni boy berdi. Qit’a birinchiligi uchun saralashda — nisbatan yuqoriroq darajadagi raqiblarga qarshi o‘yinlarda — o‘sish davom etdi. Agar startda Farer orollari bilan uyda o‘tkazilgan o‘yinda ochkolar yo‘qotilmaganida barchasi bundan ham boshqacharoq bo‘lishi mumkin edi. O‘sha yo‘qotilgan ikki ochko (Moldova o‘shanda oxirgi daqiqalarda hisobni tenglashtirgandi) finishda Chexiya bilan durang va Polshaga qarshi o‘yinlardagi to‘rt ochko bilan hozirda jamoani ikkinchi o‘ringa chiqargan bo‘lardi.
Albaniya ham Kishinyovda qiynaldi. Birinchi bo‘limda penaltidan urilgan gol ustunligini saqlab qolish uchun qahramonlarcha kurashish talab etildi. Moldova tom ma’noda raqib jarima maydoni atrofiga joylashib oldi, ammo darvozabon Raylyan bo‘lmaganida ikkinchi golni o‘tkazib yuborgan bo‘lardi. U to‘sin ostiga borgan murakkab zarbani to‘sdi va bu jamoada imkoniyat qoldirdi, 87-daqiqada Baboglo hisobni tenglashtirdi. Ammo albanlar bundan ortig‘iga ruxsat berishmadi va o‘z tarixida ikkinchi bor Yevro yo‘llanmasini qo‘lga kiritdi. Moldova esa raqiblarning uchrashuvini kutishiga to‘g‘ri kelardi.
Polsha — Chexiya 1:1
Gollar: Petrovski (38) — Souchek (49).
Polsha – Shchensni, Boxnevich (Peda, 58; Shimanski, 86), Bednarek, Kiver, Frankovski, Zalevski, Shimanski (Grositski, 74), Petrovski, Slish, Levandovski, Sviderski (Buksa, 46).
Chexiya – Stanek, Tsoufal, Brabets, Zima, Golesh, Doudera, Provod (Lingr, 75), Souchek, Sadilek (Kral, 90), Xitil (Chvanchara, 46), Kuxta (Glojyek, 46).
Qarama-qarshi kurslarda kechgan va ikkita gol urilgan o‘yin polshaliklarning halokati bilan yakunlandi. Mavsum startini barbod qilgan «Oq burgutlar» Fernandu Santushning iste’fosidan keyingina o‘ziga kela boshladi, ammo asosiy raqib bilan o‘yinlardagi ikki durang ularni amalda to‘g‘ridan to‘g‘ri yo‘llanmadan mahrum etdi. Jamoa katta ehtimol bilan pley-offda yo‘llanma uchun harakat qilib ko‘radi. Chexiya esa Shchensnining qo‘shimcha daqiqalardagi qahramonligi tufayli yo‘llanma taqdirini keyingi turga qoldirdi. Tarixiy imkoniyatga ega bo‘lgan Moldova endi o‘z darajasidan bir bosh baland sakrashi va Olomoutseda g‘alaba qozonishga urinib ko‘rishi kerak, chexlarni esa durang ham qoniqtiradi.
20 noyabr. Albaniya – Farer orollari, Chexiya – Moldova.
F guruhi
Shvedlarning muvaffaqiyatsizligi
Ozarboyjon — Shvetsiya 3:0
Gollar: Mahmudov (3, 89), Dadashov (6).
Ozarboyjon – Magomedaliyev, Bayramov (Emreli, 81), Mamedov, Mustafozoda, Krivotsyuk, Jafarguliyev, Mahmudov, Diniyev (Jamalov, 81), Isayev (Aliyev, 75), Dadashov (Hagverdi, 66), Sheydayev (Paskual, 75).
Shvetsiya – Olsen, Valkvist (Kraft, 60), Helander, Lindelyof, Svanberg, Sema, Forsberg, Gustafsson (Klasson, 60), Kayuste (Kvayson, 75), Kulusevski, Dokeresh.
Chetlatish: Mustafozoda (57).
Bu uchrashuv Shvetsiyadagi inqirozni to‘liq namoyon qilib berdi. Skandinavlar finishgacha ikki tur qolganida yo‘llanmani hal qilgan Belgiya va Avstriya fonida ojizlik qildi. Va ularda hech qanday zaxira varianti ham yo‘q, chunki Millatlar ligasida shvedlar so‘nggi o‘rinni egallab, V ligaga tushib ketgan.
Bokuda startdagi olti daqiqa ichida urilgan ikki gol barchasini hal qildi, Dadashov birinchi golda Mahmudovni golli pas bilan ta’minlab, uch daqiqa o‘tib o‘zi ham gol urdi. Milliy jamoa sardori bo‘lgan Mahmudov esa o‘yin oxirida maydon markazidan zarba yo‘llab, kechaning eng chiroyli goli muallifiga aylandi. Lekin ozarboyjonliklar bunday o‘yinni sikl boshlanganida ko‘rsatishi kerak edi, hech qanday imkoniyat qolganida emas.
Emin Makhmudov, take a bow! 😱🇦🇿
— UEFA EURO 2024 (@EURO2024) November 16, 2023
Goal of the Round contender 🚨#EQGOTT | @AlipayPlus pic.twitter.com/CG8HB3WVUz
Estoniya — Avstriya 0:2
Gollar: Laymer (26), Linhart (40).
Avstriya – Shlager, Posh, Alaba, Linhart, Veber, Shlager (Zaydl, 76), Baumgartner (Shmid, 63), Zayvald, Zabitser (Kayns, 89), Laymer (Arnautovich, 46), Gregorich (Kalayjich, 63).
19 noyabr. Belgiya – Ozarboyjon, Shvetsiya – Estoniya.
G guruhi
Chernogoriyaga mo‘jiza yordam beradi
Bolgariya — Vengriya 2:2
Gollar: Delev (24), Despodov (78, penalti) — Adam (10), Petkov (90+7, avtogol).
Bolgariya – Naumov, Popov, Antov, Petkov, Nedyalkov, Chochev (Atanasov, 43), Gruyev, Krastev, Despodov (Rusev, 84), Delev (Ivanov, 84), Minchev (Kolev, 72).
Vengriya – Dibus, Nego (Kalmar, 82), Lang, Botka (Gazdag, 81), Salai, Kerkez, Nad, Soboslai, Staylz, Adam (Nemet, 74), Chobot (Nad, 59).
Chetlatishlar: Antov (36), Kerkez (57).
Guruh yetakchisi qatorasiga besh o‘yinda yutqazgan va bir yildan buyon g‘alaba neligini bilmagan autsayde mehmoni bo‘ldi. Qolaversa, o‘yin bo‘sh tribunalar qarshisida o‘tkazildi, Bolgariya futboli rahbariyati norozilik aksiyasi ehtimoli tufayli tomoshabinlarsiz o‘ynashga qaror qildi. Vengriya tezkor gol urdi, Sobosloi jarima zarbasidan to‘pni Adamning boshiga yetkazib berdi, bolgarlar esa Antov 37-daqiqada qizil kartochka olgach bir kishi kam bo‘lib qolishdi. VAR tufayli mezbonlarning yana bir vakiliga ko‘rsatilgan qizil bekor qilindi.
Faqat shu kuni durang ham qoniqtiradigan vengrlar himoyada xotirjamlikka berildi. Birinchi bo‘limdayoq javob goli urilgandi, ikkinchi bo‘limda Kerkesh chetlatilgach, tarkiblar ham tenglashdi. Yakunda Sofiyada drama kuzatildi, Despodov penaltini aniq ijro etib, mezbonlarni oldinga olib chiqdi va guruhdagi vaziyatning oyog‘i osmondan bo‘lib ketdi. Qo‘shimcha daqiqalar boshlanganida Sobosloi yakkama-yakka vaziyatdan foydalana olmaganida, Vengriya halokatga mahkumdek ko‘rinayotgandi. Ammo qo‘shimcha daqiqalarning yettinchisida uchrashuv favoriti o‘ziga kerakli durangga erishdi. Navbatdagi standart vaziyat va Petkov o‘z darvozasini ishg‘ol etib qo‘yib, Vengriyaga Yevro yo‘llanmasini taqdim etdi.
Chernogoriya — Litva 2:0
Gollar: Kuch (3), Yovetich (48).
Chernogoriyaning navbatdagi g‘alabasi ikkinchi yo‘llanma taqdirini oxirgi turga qoldirdi. Bu kurashda favorit Serbiya bo‘ladi. Serblar oxirgi turda bolgarlarga yutqazmasligi kifoya qiladi, ochkolar teng kelgan holatda esa serblar chernogoriyaliklarni o‘zaro uchrashuvlardagi g‘alaba hisobiga ortda qoldiradi. Faqatgina Serbiya yutqazsa va Chernogoriya vengrlarga qarshi safar uchrashuvida g‘alaba qozonsa, serblar yo‘llanmadan quruq qoladi.
19 noyabr. Vengriya – Chernogoriya, Serbiya – Bolgariya.
H guruhi
Qozog‘istonga Lyublyanada g‘alaba kerak
Qozog‘iston — San-Marino 3:1
Gollar: Chesnokov (19, 51), Aymbetov (90+2, penalti) — Franchozi (60).
Qozog‘iston – Shatskiy, Kairov (Skvorsov, 54), Maliy, Bistrov (Yerlanov, 54), Marochkin, Dosmagambetov (Vorogovskiy, 62), Chesnokov, Beysebekov, Orazov (Kenesov, 55), Zuyev (Tapalov, 74), Aymbetov.
Qozog‘iston o‘zidan kutilgan va o‘ziga bog‘liq bo‘lgan ishni bajardi. Lekin jarohat tufayli Zaynutdinov va Tagibergen kabi qator yetakchilaridan ayrilgan qozog‘istonliklarga natijaga erishish oson bo‘lmadi. Jiddiy qarshilik ko‘rsatishi kutilmagan San-Marino ikkinchi bo‘limda javob golini urdi va oxirgi daqiqalargacha g‘alaba xavf ostida turdi.
So‘nggi daqiqalarda g‘alaba golini urgan mezbonlar Yevro-2024 turniriga to‘g‘ridan to‘g‘ri yo‘llanma uchun imkoniyat saqlab qoldi.
Daniya — Sloveniya 2:1
Gollar: Mele (26), Dileyni (54) — Yanja (30).
Daniya – Shmeyxel, Mele, Vestergor, Kristensen, Andersen, Kristiansen (Kristensen, 86), Dileyni (Yulmand, 75), Nyorgor (Yyensen, 46), Hyoyberg, Poulsen (Lindstrem, 90), Vind (Dolberg, 86).
Sloveniya – Oblak, Karnichnik, Blajich, Biyol, Yanja (Drkushich, 62), Verbich (Lovrich, 73), Gnezda-Cherin, Elshnik (Kurtich, 62), Vipotnik, Sheshko (Gorens-Stankovich, 73), Mlakar (Zayts, 86).
Kopenhagenda esa barchasi daniyaliklarni ham, qozog‘istonliklarni ham qoniqtiradigan holatda boshlandi. Oblak Vinning zarbasidan keyin qutqardi, Kristensenning goli inobatga olinmadi, lekin hujumga qo‘shilgan Mele baribir hisobni ochdi. Sloveniyaliklar esa birinchi imkoniyatdanoq foydalanib, Yanjaning jarima nuqtasidan yo‘llagan zarbasi evaziga hisobni tenglashtirdi. Ammo ikkinchi bo‘limda Daniya yana tezlik qo‘shdi va mehmonlar yana darvoza hududiga yo‘llangan uzatmani qaytara olmadi, bu safar Dileyni darvoza to‘rini ishg‘ol etdi. Daniya Yevroga yo‘l oldi, Qozog‘iston esa Germaniyadagi turnirga borish uchun Lyublyanadagi o‘yinda g‘alaba qozonishi talab etiladi.
Finlandiya — Shimoliy Irlandiya 4:0
Gollar: Pohyanpalo (42, penalti), Hakans (48), Pukki (74), Lud (88).
20 noyabr. Shimoliy Irlandiya – Daniya, San-Marino – Finlandiya, Sloveniya – Qozog‘iston.
I guruhi
Kichik Haji Ruminiyani baxtiyor qildi
Shveytsariya – Kosovo 1:1
Gollar: 1:0 – 47 Vargas, 1:1 – 82 Xyuseni.
Shveytsariya – Zommer, Djyemert (Ugrinich, 84), Elvedi, Akandji, Garsiya, Chaka, Froyler (Ebisher, 66), Zakariya, Shakiri (Shteffen, 85), Vargas (Amduni, 75), Okafor (Ndoyye, 75).
Kosovo – Bekay, Xaderdjonay (Xyuseni, 73), Aliti, Delova, Krasniki, Voyvoda, Berisha (Korenitsa, 66), Byutyuki (Kastrati, 46), Musliya, Zyuba (Xayrizi, 87), Rashani (Zekiri, 46).
Shveytsariya Yevro yo‘llanmasini oktyabrdayoq hal qilib qo‘yishi mumkin edi, ammo o‘shanda belaruslarga qarshi o‘yinda zo‘rg‘a durangga erishildi (3:3), chorshanba kuni esa Isroilga qarshi qoldirilgan uchrashuvda ham durang qayd etildi. Kosovoliklar bilan o‘yin ham bir tekis kechmadi. Hujum vakillari qator golli vaziyatlardan foydalana olishmadi, Froyler darvozabon hududidan turib aniq zarba bera olmadi, epizodlardan birida gol o‘tkazib yuborilishidan santimetrlar asrab qoldi.
Faqat ikkinchi bo‘lim boshida Vargas to‘pni darvozaga yo‘llashni uddaladi, lekin mezbonlar shundan keyin yana vaziyatlarni ko‘kka sovurishda davom etdi. Tabiiyki, buning uchun jazolanishdi. Shuning uchun, Germaniyaga yo‘llanma u qadar tatimadi, Murat Yaqin turnir boshlangunicha jamoasini so‘nggi daqiqalarda ham diqqatni jamlashga o‘rgatib olishi kerak bo‘ladi.
Isroil – Ruminiya 1:2
Gollar: 1:0 – 2 Zaxavi, 1:1 – 10 Pushkash, 1:2 – 63 Xaji.
Isroil – Glazer, Dasa (Kanixovskiy, 62), Migel Vitor, Goldberg, Revivo (Baribo, 76), Perets, Lavi (Abu-Fani, 62), Glux, Zaxavi, Turgeman, Xalayli (Gorno, 77).
Ruminiya – Moldovan, Ratsiu, Burke, Dregushin, Banku, Stanchu (Rus, 87), Marin (Chikildeu, 87), Haji (Koman, 65), Skrechu (Marin, 77), Pushkash, Dregush (Mixeile, 65).
Chetlatish: Mixeile (84).
Isroilliklar qoldirilgan ikki uchrashuvdan keyin boshi berk ko‘chaga kirib qoldi. Shveytsariyaga qarshi o‘yinning 88-daqiqasida urilgan gol evaziga qayd etilgan durangni yutuq deb hisoblash mumkin bo‘lsa ham, Kosovodan uchralgan mag‘lubiyat (0:1) Yevroga to‘g‘ridan to‘g‘ri yo‘llanma olish missiyasini amalda imkonsiz qildi. Faqat Ruminiya ustidan g‘alaba imkoniyat qoldirardi va ikki yildan buyon milliy jamoa safida o‘ynamagan 36 yoshli Zahavining tezkor goli jamoa muxlislarida umid uyg‘otdi.
Ammo ruminlar tezda javob berishdi va vaziyatlar bo‘yicha ham to‘liq ustunlik qilishdi. Budapeshtdagi o‘yinda nominal mezbon maqomida bo‘lgan isroilliklarda ham hisobdagi ustunlikni qaytarish uchun imkoniyatlar bo‘ldi, ammo yakunda ular Hajining zarbasini o‘tkazib yuborishdi. Shu tariqa, buyuk George Hajining o‘g‘li milliy jamoaning ushbu turnirdagi oltinchi ishtirokini ta’minladi. Isroil uchun ham barchasi hali yakunlanmadi, chunki ular Millatlar ligasida guruh g‘olibi bo‘lgan va bahorda pley-offda qatnashadi.
Belarus – Andorra 1:0
Gol: 1:0 – 83 Laptev.
Ispaniyalik Karlos Alosa Ferrera boshqaruvida yangi davrni boshlagan belaruslar autsayderga qarshi o‘yinda yana ochko yo‘qotish xavfi ostida qoldi. Sentyabrdagi o‘yindan farqli o‘laroq, bu safar Laptev g‘alaba golini urishga muvaffaq bo‘ldi. Lekin bu shunchaki statistikani yaxshilashga yaraydi.
21 noyabr. Ruminiya — Shveytsariya, Andorra — Isroil, Kosovo — Belarus.
J guruhi
Ronaldu Lukakuni quvib yetdi
Lixtenshteyn — Portugaliya 0:2
Gollar: Ronaldu (46), Kanselu (57).
Portugaliya – Sa, Kanselu (Mariu, 87), Gomesh, Antoniu Silva, Ruben Nevesh, Fernandesh (Vitinya, 67), Bernardu Silva (Orta, 60), Felish (Joau Nevesh, 87), Ronaldu (Bruma, 67), Ramush, Jota.
Krishtianu Ronaldu sehri. Hech narsani hal qilmaydigan o‘yin, yangiliklar lentasi esa portugaliyalik yulduz haqidagi xabarlar bilan to‘ldi. Hatto Lixtenshteyn hayratlanarli tarzda golsiz durangni saqlab qolgan birinchi bo‘limdan keyin ham, bo‘limdagi asosiy voqea sardorning qaychi uslubida yo‘llagan zarbasi bo‘ldi. Uning ikkinchi bo‘lim boshidagi zarbasini esa ustun qaytardi.
Ammo keyingi hujumda u baribir darvoza to‘rini ishg‘ol etdi va faoliyatida oltinchi bor bir kalendar yilida milliy jamoa uchun kamida o‘nta gol urdi. 38 yoshida! 67-daqiqada Roberto Martines ushbu yulduzning saralash sikli to‘purarlari ro‘yxatida Lukakuga yetib olish bo‘yicha missiyasi bajarilgan deb hisobladi va uni almashtirdi. Endi esa diqqat Joau Kanseluga qaratildi. Ikkinchi golni urgan ushbu himoyachi Portugaliyaning o‘ndan ortiq gol urgan o‘ttizinchi futbolchisi bo‘ldi. Ular orasida himomchi ampluasidagilar atigi ikki nafar. Kanseludan tashqari Brunu Alvesh 11 gol urgan.
Inevitable 😤
— UEFA EURO 2024 (@EURO2024) November 19, 2023
10 goals in 8 #EURO2024 qualifiers for Cristiano Ronaldo 🇵🇹🤩 pic.twitter.com/2cbGrlG82Q
Slovakiya — Islandiya 4:2
Gollar: Kutska (30), Duda (36, penalti), Haraslin (47, 55) — Oskarsson (17), Gudyonsen (74).
Lyuksemburg — Bosniya va Hersegovina 4:1
Gollar: Olesen (6), Rodriges (30 penalti, 90+5), Mujakich (55, avtogol) — Goykovich (90+3).
19 noyabr. Bosniya – Slovakiya, Lixtenshteyn – Lyuksemburg, Portugaliya – Islandiya.
