Rossiyada deputatlar faqat mahalliy avtomobillardan foydalanadi 

Jahon 00:02 / 19.09.2023 6354

Rossiya Davlat Dumasi Kengashi bir ovozdan deputatlarga faqat Rossiyada ishlab chiqarilgan avtomobillardan foydalanishga ko‘rsatma berish to‘g‘risida qaror qabul qildi. 

«Kelgusi yildan boshlab, deputatlar o‘z saylov okruglarida faqat Rossiyada ishlab chiqarilgan avtomobillardan foydalanishi to‘g‘risida qaror qabul qilindi», deyiladi Duma kengashi hisobotida. 

Davlat Dumasi spikeri Vyacheslav Volodin avvalroq xabar berganidek, Dumadagi xizmat ko‘rsatish avtomashinalari eskirib borgan sayin mahalliy brendlarga almashtiriladi. 

Volodin so‘zlariga ko‘ra, «bu qaror Rossiya avtomobil sanoatini rivojlantirishga yordam beradi va budjet mablag‘larini mamlakatda qoldiradi». 

Avgust oyi boshida Putin «mamlakatdagi barcha amaldorlar mahalliy avtomobillardan foydalanishi kerak», dedi va «mahalliy brendlar, avtomobillar va boshqa mahsulotlarni rivojlantirish uchun intilish»ga chaqirdi. Keyinroq, Davlat Dumasi spikeri Volodin deputatlar «Moskvich», «Lada», «Aurus» va «Volga» avtomobillaridan foydalanish bo‘yicha kelishib olganini aytdi. 

Kaliningrad gubernatori Alixonov, o‘z navbatida, «hozirgi mantiqqa ko‘ra, bu faqat rus brendlari bo‘lishi shart emas», dedi: «Mavjud qonunchilikka ko‘ra, men allaqachon mahalliy avtomobildan foydalanyapman — Kalugada ishlab chiqarilgan Volkswagen Tiguan, ungacha Rossiyada ishlab chiqarilgan Mitsubishi Outlander».

Ko‘proq yangiliklar: