Makro chakana savdo tarmog‘i 700 ta mahsulot narxini pasaytirdi va maxsus narxlar amal qiluvchi o‘z mahsulot qatorini bir necha bor kengaytirdi.

Makro chakana savdo tarmog‘i narxlarni qayta ko‘rib chiqdi. Buning sababi kompaniyada amalga oshirilayotgan jarayonlarni bosqichma-bosqich o‘zgartirish va takomillashtirish bo‘ldi.

“Mijozlarning xohish-istaklarini o‘rganib, xaridorgir bo‘lgan 700 ta mahsulotlar narxini tushirdik. Ro‘yxatda har bir toifadagi asosiy mahsulotlar va eng ommabop mahsulotlar kategoriyasi mavjud: meva, sabzavotlar, go‘sht, sut mahsulotlari, shuningdek, baqqollik, ichimliklar va nooziq-ovqat mahsulotlarini o‘z ichiga oladi. Endi asosiy savat ham, tansiq savat ham ancha hamyonbop bo‘ldi, bundan tashqari kengaytirilgan assortiment har bir mehmonga o‘zi uchun mahsulot topish imkonini beradi”, — deya voqeani izohlaydi Makro’ning bosh direktori Dmitriy Bova.

Iyul oyining boshida riteyler ta’minot zanjirlari ishini optimallashtirdi va inventarizatsiyani boshqarish va buyurtmalarni avtomatik tarzda hisoblash bo‘limlarini birlashtirdi. Bu yechim nafaqat mahsulotlarni taqsimlash bilan ishlashni yaxshilash, balki kompaniya tomonidan ilgari xabar qilinganidek, naqd pulni bo‘shatish imkonini berdi.

Bu Makro supermarketlari rastalarida topish mumkin bo‘lgan tovarlar narxining global qayta ko‘rib chiqilishiga olib keldi.

“Kompaniyadagi jarayonlarni optimallashtirish mehmonlarimiz xaridlardan zavqlanishlarini ta’minlashga qaratilgan. Biz bosqichma-bosqich harakat qilmoqdamiz va sizni oldinda bundan birinchi navbatda mijozlarimiz foyda ko‘ruvchi yaxshi yangiliklar kutmoqda”, — dedi bosh direktor.

Reklama