Амир Темур таваллудининг 687 йиллиги муносабати билан «Темурбеклар мактаби» ҳамда «Ёш чегарачи» академик лицейлари ўртасида югуриш мусобақаси ўтказилиши режалаштирилган. 

Тошкент шаҳар ҳокимлиги хабарига кўра, жорий йилнинг 2 апрел куни соат 07:00 дан 10:00 га қадар қатор кўчаларда автотранспорт воситаларининг ҳаракат чекланади.

Кўчалар рўйхати:

Янгизамон кўчасининг Сайхун кўчасидан Эски Сарикўл кўчасигача бўлган қисми;

Эски Сарикўл кўчасининг Янгизамон кўчасидан Абу Сулаймон Банокатий кўчасигача бўлган қисми;

Абу Сулаймон Банокатий кўчасининг Эски Сарикўл кўчасидан Абдурауф Фитрат кўчасигача бўлган қисми;

Абдурауф Фитрат кўчасининг Абу Сулаймон Банокатий кўчасидан Янгизамон кўчасигача бўлган қисми.

Ҳайдовчилардан шу вақт оралиғида айланма йўллардан фойдаланиш сўралган.