-52 кг вазн тоифасида барча рақибларини мағлубиятга учратган ҳамюртимиз Диёра Келдиёрова мусобақа ғолибига айланди. Барча беллашувларни муддатидан аввал якунлаб келаётган самарқандлик дзюдочи финалда ҳам чемпионлик учун кўп вақт сарфламади. У Токио-2020 Олимпиадаси чемпиони косоволик Дистрия Красничини атиги 40 сония ичида таслим этди.

Қайд этиш жоиз, бу Келдиёрова учун «катта дубулға» турнирларидаги тўртинчи олтин медаль ҳисобланади. Ушбу ғалаба орқали у жаҳон рейтинги учун 1000, Париж-2024 йўлида 500 очкони ўз ҳисобига қўшиб қўйди.