Nodirbek Abdusattorov Niderlandiyadagi turnirni 2-o‘rinda yakunladi

Sport 21:44 / 29.01.2023 47236

Niderlandiyaning Veyk-an-Zeye shahrida «Tata Steel Chess-2023» turniri yakuniga yetdi. 29 yanvar kuni bo‘lib o‘tgan turnirning so‘nggi, 13-turida Nodirbek Abdusattorov mezbon shaxmatchi Yorden van Forestga qarshi bahs yuritib, imkoniyatni boy berdi. 

Shu tariqa, turnir davomida peshqadam bo‘lib kelgan o‘zbekistonlik shaxmatchi o‘zini durang ham qoniqtirishi mumkin bo‘lgan holatda yutqazgach, musobaqani 8 ochko bilan 2-o‘rinda yakunlaydigan bo‘ldi. So‘nggi turdagi muvaffaqiyati evaziga 8,5 ochko jamg‘argan niderlandiyalik Anish Giri esa Masters guruhi g‘olibiga aylandi.

Abdusattorov turnir davomida biror marta mag‘lubiyatga uchramay, 4 bahsda g‘olib bo‘lgan, 5-turdan buyon peshqadamlikni hech kimga bermay kelayotgandi. O‘zbekistonlik shaxmatchi Rapport, Parham, Magnus Karlsen va Arjun Erigaisini mag‘lub etib, qolgan raqiblari bilan durang qayd etgandi. 

Challengers guruhida esa o‘zbekistonlik yana bir shaxmatchi Javohir Sindorov so‘nggi turda niderlandiyalik Tomas Beyerdsenni mag‘lubiyatga uchratib, 8,5 ochko bilan 3-o‘rinni egalladi.

Ko‘proq yangiliklar: