Qoʻshimcha funksionallar
-
Tungi ko‘rinish
Oramizdagi odamlar: Keyingi oylikkacha qarz bo‘lib qoladigan o‘t yoquvchi
Qahramonimiz Buvayda tumanidagi bog‘chalardan birining o‘t yoquvchisi. Yoz faslida odamlarning uyida “beton” quyadi. Topgani oydan oyga yetmasa-da u hayotidan nolimaydi.

“Yoz faslida qishloqda ish ko‘p bo‘ladi. Qishda ish kamligida bog‘chada o‘t yoquvchi bo‘lib ishlayman. Turmush o‘rtog‘im og‘iroyoqligi uchun hozircha uyda o‘tiribdi. U hech qayerda ishlamaydi. 1-sinfda tahsil oladigan o‘g‘lim bor.
Qishning ayozli kunlaridan sog‘-omon chiqib olsak, to kech kuzgacha kunlik qurilishda ishlashda davom etaman. Asosan qishloqdagi xonadonlarda “beton” quyish ishlari bilan shug‘ullanaman.
Ayni kunlarda havo sovuqligi uchun 24 soatlab ishlayapmiz. Asosiysi xonalarda harorat tushib ketmasligi kerak. Ota-onalar o‘z farzandlarini bizga ishonib topshirib ketishadi. Bunday sovuqda ularning kasal bo‘lmasligi bizga bog‘liq.
Erta sahar soat 4:00 da pechkalarga ko‘mir solishni boshlaymiz. Olov o‘chib qolmasligi uchun doimiy nazorat qilib turamiz. Haftaning shanba va yakshanba kunlari uyga borib kelaman. Boshqa kunlari ishxonada qolishga majburman.
Orada qattiq sovuqlar bo‘ldi. Barcha qatori azob tortdik. Bolalar bog‘chaga kelmagan bo‘lsa-da quvurlar muzlab yorilib ketmasligi uchun pechlarga o‘t yoqib chiqishga to‘g‘ri keldi. Ayrim kunlari “kotyol”lar muzlab ham qoldi. Tuni bilan uxlamay muzni eritib chiqishga to‘g‘ri keldi.
Oylik maoshim 1 million so‘m. Keyingi oylikkacha do‘kondan qarz bo‘lib qolaman. Ro‘zg‘orni amallab tebratib kelyapmiz. Har uch-to‘rt kunda do‘kondan nasiyaga tovuq go‘shti va boshqa mahsulotlar olaman. Sotuvchi daftariga yozib qo‘yadi. Plastik kartamga oylik tushganida qarzimni berib kelaman.
Hayotdagi eng katta orzum o‘g‘limni oliy ma’lumotli qilish. U kelajakda menga o‘xshab qora changga botib ishlamasin deyman.
Olov yaxshi yonishi uchun pech ichini har gal titganimda, ko‘mirni aravaga yuklaganimda ust-boshim qora changga belanadi. Svet o‘chib qolganda ayniqsa qiyinchilik bo‘ladi. Lekin tirikchilik. Kimdir bu ishni qilishi kerak-ku...”– deydi Abdurazzoq Usmonov.
Ushbu hamyurtimizga yordam bermoqchi bo‘lganlar uchun karta ma’lumotlari:
Humo: 9860 2301 0477 4925 Abdurazzoq Usmonov nomida.
Sarvar Ziyayev,
Jahongir Aliboyev,
Kun.uz
Tavsiya etamiz
Yevropa Ittifoqining 18-sanksiyalar paketi Rossiyaga qanday ta’sir qiladi?
Jahon | 23:12 / 21.07.2025
Uy sotib olishda aldanib qolmaslik uchun nimalarga e’tibor qilish kerak?
Ko‘chmas mulk | 16:30 / 21.07.2025
Super-kontraktni bo‘lib-bo‘lib to‘lash mumkinmi?
Ta’lim | 11:29 / 21.07.2025
Davlat OTMga qabul kvotalari tasdiqlandi
Ta’lim | 11:09 / 21.07.2025
So‘nggi yangiliklar
-
Britaniyada depressiyaga chalingan odamlarga futbolga borish tavsiya etildi
Sport | 23:20 / 22.07.2025
-
AQSh Trampning yangi muddati davomida Ukrainaga birinchi harbiy yordam shartnomasini e’lon qildi
Jahon | 23:01 / 22.07.2025
-
O‘zbek-qozoq chegarasidagi tunnel, ijtimoiy obektlar geoportali va Jizzaxga tashrif – mahalliy dayjest
O‘zbekiston | 22:54 / 22.07.2025
-
Eron davlat xodimlarining iPhone’lari Isroil bilan urush oldidan kiberhujumga uchradi – OAV
Jahon | 22:18 / 22.07.2025
Mavzuga oid

15:35 / 26.06.2025
“O‘rnimda boshqa odam bo‘lganda ham shu ishni qilardi” - bolakayni qutqargan YPX inspektori haqida

14:16 / 25.06.2025
Haydovchi mashinani qulflaganidan keyin oynaning ko‘tarilishi bolaning bo‘ynidan qisib qoldi

15:23 / 04.05.2025
“Yopilgan ish” yoxud otgan o‘qi o‘ziga qaytgan tergovchining iqrori

14:10 / 09.03.2025