Lukashenko Putinga traktor sovg‘a qildi, Rahmon esa qovun-tarvuz piramidasini

Belarus prezidenti Aleksandr Lukashenko rossiyalik hamkasbi Vladimir Putinning 70 yilligiga traktor sovg‘a qildi.

Foto: Pul Pervogo/Telegram

U Belarus 1523.3 rusumli, seyalkali traktorni olish imkonini beruvchi sertifikatni Rossiya prezidentiga topshirdi va u bilan g‘alla ekish mumkinligini, shuningdek, hosilni Polsha prezidenti Anjyey Duda va bosh vaziri Mateush Moravetskiga yuborishini aytdi.

«G‘alla ekamiz va yana boshqa narsalarni. Hosil olib, och qolmasliklari, Ukrainadagi g‘allani o‘marmasliklari uchun Dudaga yoki Moravetskiga, Yevropaga yuboramiz», deb izohladi Lukashenko o‘z sovg‘asini.

Xabar berilishicha, Tojikiston prezidenti Imomali Rahmon Vladimir Putinga qovun va tarvuz, shuningdek, boshqa mevalardan yasalgan kompozitsiyalarni sovg‘a qilgan.

#Vladimir Putin #Lukashenko #traktor