O‘zbekiston Interpol byurosi yirik firibgarni qo‘lga oldi

O‘zbekiston 07:15 / 09.08.2022 9820

Tezkor qidiruv tadbirlari o‘tkazish chog‘ida Interpolning O‘zbekistondagi milliy markaziy byurosi xodimlari Qirg‘izistonda xalqaro qidiruvga berilgan chet ellik fuqaroni ushlashga muvaffaq bo‘ldi

Qayd etilishicha, jinoyatchi qirg‘izistonlik hamkasblar tomonidan rasmiy hujjatlarni qalbakilashtirish va kontrabandaga sheriklik ayblovi bilan qidiruvda bo‘lgan, shu munosabat bilan jinoyat harakatlari og‘irligini hisobga olib, unga nisbatan qamoqqa olish tarzidagi ehtiyot chorasi tanlangan.

Interpol milliy markaziy byurosi Bishkekdagi hamkasblarga qidiruvdagi shaxs Qirg‘izistonga keyingi jinoiy javobgarlikka tortish uchun ekstraditsiya qilinishidan oldin hibsga olingani haqida ma’lum qilgan.

Hozirda qo‘lga olingan shaxsni Qirg‘izistonga ekstraditsiya qilish masalasi O‘zbekiston Bosh prokuraturasi tomonidan ko‘rib chiqilmoqda, deyiladi Interpolning O‘zbekistondagi byurosi xabarida. 

Ko‘proq yangiliklar: