Qoʻshimcha funksionallar
-
Tungi ko‘rinish
Afg‘onistondagi halokatli zilzila: Qurbonlar soni mingdan oshdi
Afg‘onistonda ro‘y bergan 6,1 balli zilzila oqibatida kamida ming kishi halok bo‘lib, 1500 dan ortiq kishi yaralangan. Mahalliy rasmiylar qurbonlar soni yana oshishi mumkinligidan ogohlantirgan.

Foto: Bakhtar News Agency via AP
«Ayrim qishloqlar olis tog‘li hududlarda joylashgan, shunday ekan tafsilotlarni aniqlashtirish vaqt talab etadi», degan mamlakat ichki ishlar vazirligi vakili Salohiddin Ayubiy jurnalistlarga.
Amerika seysmologlarining aniqlik kiritishicha, zilzila 51 km chuqurlikda bo‘lgan, uning epimarkazi esa Afg‘oniston janubi-sharqidagi Xo‘st shahridan taxminan 44 kilometr masofada joylashgan.
Qurbonlarning ko‘pchiligi - mamlakat sharqidagi Paktika viloyatida qayd etilgan, birgina Rayan tumanida 200 dan ortiq kishining jasadi topilgan. Ijtimoiy tarmoqlarda tarqalgan kadrlarda ko‘chkilar ostida ko‘milib qolgan, vayronaga aylangan uylarni ko‘rish mumkin, qutqaruvchilar xarobalar orasidan omon qolganlarni qidirmoqda.

Toliblar zilzila qurbonlari va jabrlanuvchilar oilalariga yordam uchun 1 mlrd afg‘oniy (11 mln dollar) ajratgan. «Tolibon» FVV rahbari o‘rinbosari Sharafuddin Muslimning ma’lum qilishicha, Paktika, Xo‘st va Nangarhorda halok bo‘lganlarning oilalari hukumatdan 100 ming afg‘oniy (1,1 ming dollar), jabrlanganlarning oilalari esa 50 ming afg‘oniy (550 dollar) oladi.
Yer silkinishi tunda, mahalliy vaqt bilan soat 1:30 atrofida, aksar odamlar qattiq uyquga ketganida ro‘y bergan, zilzila kuchi shunday bo‘lganki, uni epimarkazdan 500 km masofada ham sezishgan.
Xuddi shu vaqtda O‘zbekistonning Surxondaryo viloyatida ham 3 ballik zilzila qayd etilgan, zilzila kuchi Qashqadaryo, Samarqand va Jizzax viloyatlarida 2 ballga teng bo‘lgan.
Afg‘onistonning qishloq hududlarida kapital qurilishlar deyarli yo‘q, turar joy binolarining aksari loy g‘ishtdan, hech qanday poydevorsiz qurilgan, shu tufayli odatda zilzilalar mamlakat uchun talafotli bo‘ladi.
Afg‘oniston seysmik faol mintaqada joylashgan.
BMTning gumanitar masalalarni muvofiqlashtirish bo‘yicha boshqarmasi ma’lumotiga ko‘ra, so‘nggi 10 yilda mamlakatda zilzilalar tufayli 7 mingdan ortiq kishi halok bo‘lgan. Har yili o‘rtacha 560 kishi zilzila qurboni bo‘ladi.
Tavsiya etamiz
Roman Starovoyt – urushning kursidagi qurboni
Jahon | 22:00 / 08.07.2025
Qozog‘istonda kuydirgi tarqaldi, ikki qishloq karantinga olindi
Jahon | 17:57 / 08.07.2025
11 iyuldan IELTS imtihonini qog‘ozda topshirish bekor qilinadi
O‘zbekiston | 15:45 / 08.07.2025
O‘zbekistonning 5 ta viloyatida sel xavfi e’lon qilindi
O‘zbekiston | 13:18 / 08.07.2025
So‘nggi yangiliklar
-
Yaponiyalik olimlar ozishning kutilmagan usulini ishlab chiqadi
Jamiyat | 00:31
-
OpenAI sun’iy intellekt asosidagi brauzerini ishga tushiradi
Fan-texnika | 00:11
-
Yevrokomissiya migrantlar oqimi sabab Afrikaga yordam ko‘rsatishni to‘xtatishi mumkin
Jahon | 23:41 / 09.07.2025
-
Rossiya frontda muhim yutuqlarga erishdi, Putin Trampga uzil-kesil yo‘q dedi - “Geosiyosat”
Jahon | 23:17 / 09.07.2025
Mavzuga oid

20:36 / 08.07.2025
Xalqaro jinoiy sud «Tolibon» rahbarlarini hibsga olishga order berdi

16:54 / 08.07.2025
BMT Bosh Assambleyasi «Tolibon» siyosatini keskin qoralovchi rezolyutsiyani ma’qulladi

18:31 / 05.07.2025
«Afg‘onistonda tinchlik va normal davlatchilik bo‘lishiga eng ko‘p intilayotgan davlat – O‘zbekiston» - Kamoliddin Rabbimov

14:24 / 04.07.2025