Samarqand viloyati IIB YHXB axborot xizmatining xabar berishicha, 2022 yil 27 may kuni M-37 Samarqand-Buxoro-Turkmanboshi xalqaro avtomobil yo‘lining Narpay tumani Tepaqo‘rg‘on mahallasi hududidan o‘tuvchi qismida odam o‘limi bilan bog‘liq yo‘l-transport hodisasi sodir bo‘lgan.

Cobalt mashinasi yuk mashinasi bilan o‘zaro to‘qnashgan. Oqibatda Cobalt haydovchisi og‘ir tan jarohatlari olib vafot etgan. Cobalt’da bo‘lgan bir necha yo‘lovchi turli darajada tan jarohatlari olib, shifoxonaga yotqizilgan.

Avvalroq, M-37 xalqaro avtomobil yo‘lining Ishtixon tumanidan o‘tgan qismida xorijiy sayyohlarni olib ketayotgan avtobus yuk mashinasi bilan to‘qnashgan edi. Oqibatda haydovchining sherigi vafot etgan, Ruminiya davlatidan kelgan sayyoh tan jarohati olgandi.