O‘zbekistonlik bir guruh ulamolar va imom-xatiblar Ramazon tadbirlarida ishtirok etish uchun Amerika Qo‘shma Shtatlariga tashrif buyuradi. Bu haqda AQShning Florida shtatida o‘zbekzabon vatandoshlar tomonidan ochilgan «Al-Bukhari islamic center» masjidi ma’muriyati xabar berdi.
«Assalomu alaykum hurmatli vatandoshlar, qadrli o‘zbekzabon din qardoshlar! Sizlar uchun ajoyib xushxabar.
Bu yilgi Ramazon oyini har yilgidanda shukuhli o‘tkazish maqsadida o‘zbekistonlik 10 ga yaqin ustozlar Amerika Qo‘shma Shtatlariga tashrif buyurmoqda», - deyiladi xabarda.
AQShdagi Ramazon tadbirlarida (ilmiy suhbatlar va iftorliklar) quyidagi ulamolar qatnashishi ma’lum qilingan:
1) Muhammad Ayyubxon domla Homidov
2) Is’hoqjon domla Begmatov
3) Jaloliddin domla Hamroqulov
4) Ismoil domla Muhammad Sodiq
5) Hasan domla Qodirov
6) Qosimjon qori Karimov
7) Abdulhamid domla Jumanov
8) Anvarxon qori Zaitov
Ulamolar AQShning quyidagi shaharlarga tashrif buyuradi:
- 20 aprel – poytaxt Vashingtonda;
- 21 aprel – «Isabet Academic Campus» - Filadelfiya, Pensilvaniya shtati;
- 22 aprel - Nyu-York shahrida;
- 23 aprel - Cincinnati, Ogayo shtati;
- 24 aprel - Shalimar Banquets - Chikago, Illinoys shtati;
- 25 apreldan – 2 mayga qadar – «Al-Bukhari islamic center» – Orlando, Florida shtatida bo‘lishadi.
Ulamolar tashrif manzillarining geolokatsiyasi bilan ushbu havola orqali tanishishingiz mumkin.
Ma’lumot uchun: Al-Buxoriy islom markazi 2018 yilda AQShning Orlando shahrida yashovchi o‘zbekzabon musulmonlar tomonidan ochilgan masjid va markaz hisoblanadi. Markaz 2020 yil may oyida Sardoba suv toshqinida jabr ko‘rgan, uysiz qolgan odamlarga yordam ajratgan edi.
