Sergeli tumanida aholidan kommunal xizmatlar uchun undirilgan mablag‘ni o‘zlashtirgan shirkat aniqlandi

Shirkat 193 mln so‘m miqdordagi naqd pullarni bankdagi hisobraqamiga kirim qilmasdan, o‘zlashtirish va rastrata qilish yo‘li bilan talon-toroj qilgan.

Foto: Shutterstock

Bosh prokuratura huzuridagi Departamentning xabar berishicha, Sergeli tumandagi “S.Sh.” xususiy uy-joy mulkdorlari shirkati mansabdor shaxslari aholidan uy-joy kommunal xizmati uchun yig‘ib olingan 193 mln so‘m naqd pullarni shirkatning bankdagi hisobraqamiga kirim qilmasdan, o‘zlashtirish va rastrata qilish yo‘li bilan talon-toroj qilganligi aniqlangan.

Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.

#Sergeli tumani #kommunal xizmat