Toshkent shahar Favqulodda vaziyatlar boshqarmasi Sergeli tumanida sodir bo‘lgan yong‘in to‘g‘risida ma’lumot berdi.

Qayd etilishicha, 13 dekabr kuni soat 16:12 da Sergeli tumani Yangi Sergeli ko‘chasida joylashgan umumiy ovqatlanish joyida yong‘in bo‘layotgani to‘g‘risida poytaxt FVBga xabar tushgan.

Shunga ko‘ra, yong‘in-qutqaruv texnikalari aytilgan manzilga soat 16:19 da yetib borib, yong‘in soat 16:31 da qurshab olingan va 16:32 da o‘chirilgan.

Yong‘in oqibatida halok bo‘lgan va jabrlanganlar yo‘q. Hozirda yong‘in sababi va keltirilgan moddiy zarar miqdori aniqlanmoqda.

Avvalroq Toshkent shahri Mirzo Ulug‘bek tumanida joylashgan restoran dudbo‘ronida yong‘in chiqqani to‘g‘risida xabar berilgandi. Shuningdek, bir necha kun oldin Uchtepa tumanidagi somsaxonalarning birida ham yong‘in chiqqan edi.