Nilufar bolalikdan tug‘ma xastalik bilan kurashib keladi. Unga ikkitomonlama tos suyagining yemirilishi tashxisi qo‘yilgan.

Ayolning so‘zlariga ko‘ra, ayni paytda unga kuchli og‘riqlar azob bermoqda: “Yurishga qiynalaman, har bir qadamim azob. Og‘riqlar judayam kuchli bo‘lyapti, ayniqsa yemirilish boshlangandan beri hatto uxlash ham qiyin. Tunlari bilan og‘riqlar azob beradi, o‘g‘lim: “Onajon, faqat o‘lib qolmang. Bizga sizdan boshqa hech kim kerakmas” deydi.

Yashash sharoitimiz og‘irroq. Tezroq tuzalib, turmush o‘rtog‘imga yordam berib, bolalarimni yaxshi tarbiyalashni niyat qilaman”.

2-guruh nogironi bo‘lgan Nilufarning dardiga davo – endoprotez qo‘yish orqali topiladi. Ammo oilaning moddiy holati uchun bu mushkul masala hisoblanadi.

“Oilamiz bilan dehqonchilik qilib ro‘zg‘or tebratardik. Shu ahvolimda ham qarab o‘tirmasdim, qor-yomg‘irda ham ishlayverardim. Hozir menga endoprotez olish uchun moddiy yordam kerak bo‘lyapti” deydi yaxshi insonlardan umidvor ayol.

O‘ylaymizki, saxovatning yog‘dusi bilan mehnatkash, zahmatkash bir ayolning og‘riqlarda kechayotgan hayoti yorishadi. Uning iltijolari javobsiz qolmaydi.

O‘zkard: 8600 0610 4430 2403 Musayeva Nilufar nomida

Viza: 4455 5500 1365 2355 qarindoshi Salimsakov G‘ulomxo‘ja nomida