Чироқчидаги қишлоқда ер ости ёниб тутамоқда

Жамият 12:37 / 15.12.2021 3260

Маълум қилинишича, Чироқчи туман “Янгиқурилиш” МФЙ Хўжа Абдужаббор қишлоғи ҳудудидаги ердан чиқаётган тутун Чироқчи туман назорат инспекцияси инспекторлари, туман ФВБ, Ҳудудгаз таъминот туман филиали ходимлари томонидан ўрганилган.

Ўрганиш жараёнида тахминан 10 сотих ер майдони аввал ёниб ўчгани ва ҳозирги кунда тахминан 1 сотих ер устидан тутун чиқиб атрофга бадбўй ҳид тарқалаётгани кузатилган.

Ўрганиш давомида ушбу қишлоқда яшовчи кексалар бу жой тахминан 50-70 йиллар олдин чуқурлик жой бўлиб, қамишзор бўлгани ва йиллар ўтиб қамишлар устига тупроқ ёпилиб кетганини айтишди.

Ушбу ҳолат бўйича геология соҳаси мутахассисларининг ўрганиш ўтказиб хулосалари тақдим қилингунга қадар, ер остида қолиб кетган қамишлар қизиши ва чириши натижасида ушбу ҳолат юзага келган деган дастлабки хулоса қилинган.

Қайд этилишича, ҳолатни ўрганиш ишлари давом этмоқда, ўрганиш якунлари бўйича батафсил маълумотлар тақдим этилади.

Кўпроқ янгиликлар