Qayiq-taksi AQShning Massachusets texnologik instituti va Amsterdam ilg‘or shahar yechimlari instituti xodimlari tomonidan ishlab chiqilgan.

Qayiqning 2015 yilda yaratilgan va sinovdan o‘tkazilgan modeli taksi sifatida to‘laqonli xizmat ko‘rsatishi uchun ancha yaxshilangan. Elektr qayiq to‘liq quvvatlanganda 10 soat ishlaydi. U soatiga 12 km tezlik bilan harakatlana oladi.

Roboat’ning boshqaruv tizimi boshqaruvchisiz avtomobillarda qo‘llanuvchi tizimga o‘xshash. Unga kanallar orqali harakatlanishda LIDAR skaneri, obektlar va to‘siqlarni topishga, 360 daraja burchak ostida ko‘rishga imkon beruvchi datchik va kameralar yordam beradi.