Самарқандда маст ҳолатда касалхонада тартибсизлик қилган шахсга чора кўрилди

Жамият 17:36 / 21.10.2021 717

Самарқанд вилояти Пайариқ туманида маст ҳолатда касалхонада шифокор билан тортишиб ҳуқуқбузарлик қилган шахс 15 суткага қамалди.

Фото: Самарқанд вилоят ИИБ ахборот хизмати

Маълум қилинишича, 2021 йил 19 октябр куни Пайариқ тумани Истиқлол маҳалласида яшовчи 1993 йилда туғилган Д.Э. туман марказий шифохонасига маст ҳолатда келиб, шу ерда даволанаётган беморлар ҳамда хизмат вазифасини бажараётган шифокорларнинг тинчлигини бузиб шовқин кўтарган.

Шифокор У.Х. уни тинчлантириб тартибга чақирганда, Д.Э. унинг эгнидаги кийимидан тортиб жамиятда ўрнатилган юриш-туриш қоидасини қасддан менсимасликда ифодаланган хатти-ҳаракатлар содир этган.

Қайд этилишича, ҳолат юзасидан туман ИИБ томонидан терговга қадар текширув олиб борилиб, тўпланган ҳужжатлар Пайариқ тумани жиноят ишлари бўйича судига тақдим қилинган.

2021 йил 21 октябр Пайариқ тумани жиноят ишлари бўйича суди томонидан фуқаро Э.Д. Маъмурий жавобгарлик тўғрисидаги кодекснинг 183-моддасига асосан айбли топилиб, 15 сутка маъмурий қамоқ жазоси тайинланган.

Эслатиб ўтамиз, жорий йил 17 октябрь куни Андижон вилояти Пахтаобод туманида тез ёрдам шифокорини калтаклаб, унга тан жароҳати етказган шахсга жиноят иши қўзғатилган

Кўпроқ янгиликлар