Маълум қилинишича, «Ўзагроинспекция»нинг Самарқанд туман бўлими томонидан қишлоқ хўжалиги техникаларидан фойдаланиш юзасидан ўтказилган назорат тадбирларда бир қанча қоидабузар шахслар аниқланиб, уларга чора кўрилган.
Жумладан туманнинг «Чумчуқли» МФЙда яшовчи фуқаро Л.Д. ўзига тегишли бўлган носоз ҳолдаги «T28X4MC» русумли тиркамали тракторни М39 Алмати-Тошкент-Термиз халқаро йўлида тегишли ҳужжатларсиз бошқаргани аниқланган.
Бундан ташқари, туманнинг Даштакиболо маҳалласида яшовчи фуқаро ўзига тегишли техник носоз бўлган тракторни ҳужжатсиз ҳолда бошқараётгани аниқланган.
Қайд этилишича, ҳар икки ҳолат бўйича Маъмурий жавобгарлик тўғрисидаги кодекснинг тегишли моддаларига асосан маъмурий баённомалар расмийлаштирилган.
