Навоийда фуқародан фотосурат ва видеоларини интернетда тарқатиб юбормаслик эвазига 30 млн сўм талаб қилган шахс ушланди

Жамият 11:50 / 18.10.2021 1033

Навоийда фуқарони ижтимоий тармоқлар орқали обрўсизлантирмоқчи бўлган товламачи қўлга олинган. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда. 

Маълум қилинишича, фуқаро Д.Х. бошқа бир фуқаро Н.нинг қадр-қиммати ва обрўйига путур етказиши мумкин бўлган фотосурат ва видеоларни ижтимоий тармоқларда тарқатиб юбориши билан қўрқитиб, ундан 30 млн сўм талаб қилган. У таниши Д.нинг пластик картасига 29,7 млн сўм ўтказиб олган вақтида ўтказилган тезкор тадбирда ашёвий далиллар билан ушланган.   

Ҳолат юзасидан Жиноят кодексининг 165-моддаси (товламачилик) билан жиноят иши қўзғатилган. 

Олдинроқ Навоийда Навбаҳор тумани ҳокимлиги захирасида бўлган 40 сотих ер майдонини сотмоқчи бўлган шахс қўлга олинганди.

Кўпроқ янгиликлар