Етим болаларни ижтимоий ҳимоялашда тизимли ишлаш учун «Меҳр дафтари» жорий этилади

Ўзбекистон 20:56 / 16.10.2021 3301

Норматив-ҳуқуқий ҳужжатлар муҳокамаси порталига жойлаштирилган қарор лойиҳасига кўра, у президентнинг «Етим болалар ва ота-она қарамоғидан маҳрум бўлган болаларни тарбиялашнинг тубдан янгиланган тизимини жорий этиш чора-тадбирлари тўғрисида» 2021 йил 9 августдаги ПҚ-5215-сонли, «Етим болалар ва ота-она қарамоғидан маҳрум бўлган болаларни давлат томонидан қўллаб-қувватлашнинг янги тизимини жорий этиш чора-тадбирлари тўғрисида» 2021 йил 9 августдаги ПҚ-5216-сон қарорлари ижросини таъминлаш мақсадида қабул қилинади.

Шунингдек, етим болалар ва ота-онасининг ёки бошқа қонуний вакилларининг қарамоғидан маҳрум бўлган болаларнинг муаммоларини ўрганиш ҳамда ҳал этиш, уларнинг орзу-истакларини рўёбга чиқаришга кўмаклашиш, шунингдек тарбияланувчилар билан ишлаш тизимини янги даражага олиб чиқиш ҳам мақсад қилинган.

Қарор билан «Меҳр дафтари» тизими билан ишлаш тўғрисидаги низом тасдиқланади.

«Меҳр дафтари» – етим болалар ва ота-она қарамоғидан маҳрум бўлган болаларнинг муаммоларини ўрганиш ва ҳал этиш, орзу-истакларини рўёбга чиқаришга кўмаклашиш, уларни фарзандликка, васийликка (ҳомийликка, патронатга) оладиган оилаларни рағбатлантириш, уларнинг ота-онасининг ёки бошқа қонуний вакилларининг қарамоғидан маҳрум бўлиши сабабларини чуқур ўрганиш ҳамда аниқланган муаммоларни бартараф этиш бўйича тизим.

«Меҳр дафтари»га қуйидаги етим болалар ва ота-она қарамоғидан маҳрум бўлган болалар болалар киритилади:

  • ХТВ тизимидаги «Меҳрибонлик» уйлари, Болалар шаҳарчалари, оилавий болалар уйларида тарбияланаётган 3 ёшдан бошлаб – мажбурий умумий ўрта ва ўрта махсус таълимни тамомлагунга қадар бўлган етим болалар ва ота-она қарамоғидан маҳрум бўлган болалар;
  • ССВ тизимидаги Болалар уйларида тарбияланаётган 3 ёшдан 7 ёшгача бўлган етим болалар ва ота-она қарамоғидан маҳрум бўлган болалар;
Кўпроқ янгиликлар