Дунёдаги барча мамлакатларнинг умумий давлат қарзи миқдори маълум қилинди

Иқтисодиёт 21:39 / 13.10.2021 14264

Дунёдаги барча мамлакатларнинг умумий давлат қарзи 88 триллион долларга етди. Бу дунё ЯИМнинг қарийб 100 фоизини ташкил этади, деб маълум қилди Халқаро валюта жамғармасининг бюджет масалалари бўйича департаменти директори Витор Гаспар.

«Ҳозирда давлат қарзи 88 триллион долларни ташкил этмоқда, бу ЯИМнинг 100 фоизига яқин. 2021 ва 2022 йилларда давлат қарзи ЯИМнинг 1 фоизига камайиши кутилмоқда», — деди у.

Қайд этилишича, мамлакатлар суверен қарзлар ўсиши фонида ўз бюджет-солиқ сиёсатини ҳар бир минтақанинг ўзига хос ҳолатига мослаши керак.

Аввалроқ Жаҳон банки Ўзбекистон иқтисодиётининг ривожланиши бўйича ўз прогнозини эълон қилганди. Унга кўра, 2021 йилда Ўзбекистон ЯИМнинг ўсиши 6,2 фоизга етиши кутилмоқда.

Кўпроқ янгиликлар