Самарқанд, Урганч ва Фарғонадан Истанбулга парвоз қилиш вақтлари ўзгаради

Жамият 17:31 / 12.10.2021 412

«Ўзбекистон ҳаво йўллари» Самарқанд, Урганч ва Фарғонадан Истанбулга парвоз қилиш вақтларини ўзгартирган. Бу ҳақда авиакомания матбуот хизмати хабар бермоқда.

Маълум қилинишича, «Ўзбекистон ҳаво йўллари» жорий йил ноябр ойидан 2022 йил март ойигача Самарқанд, Урганч ва Фарғонадан Истанбул шаҳрига бўладиган қатновларни янги жадвал бўйича амалга оширади. Янги жадвалда қатновлар кундузги вақтга ўтиши кўзда тутилган.

Янги жадвалга кўра, Самарқанд–Истанбул–Самарқанд йўналиши бўйича қатновлар ҳафтада уч марта, душанба, чоршанба ва жума кунлари амалга оширилади.

Самарқанд–Истанбул–Самарқанд

  • Самарқанддан учиш: 08:40 (Тошкент вақти билан);
  • Истанбулга келиш: 11:40 (Истанбул вақти билан);
  • Истанбулдан учиш: 13:10 (Истанбул вақти билан);
  • Самарқандга келиш: 19:25 (Тошкент вақти билан)

Урганч–Истанбул–Урганч йўналиши бўйича ҳафтада бир марта, сешанба куни қатнов амалга оширилади.

Урганч–Истанбул–Урганч

  • Урганч шаҳридан учиш: 09:30 (Тошкент вақти билан);
  • Истанбулга қўниш: 11:50 (Истанбул вақти билан);
  • Истанбулдан учиш: 13:20 (Истанбул вақти билан);
  • Урганч шаҳрига қўниш: 19:05 (Тошкент вақти билан).

Фарғона–Истанбул–Фарғона йўналиши бўйича ҳафтасига икки марта, чоршанба ва шанба кунлари қатновлар амалга оширилади.

Фарғона–Истанбул–Фарғона

  • Фарғона шаҳридан учиш: 08:45 (Тошкент вақти билан);
  • Истанбулга қўниш: 12:25 (Истанбул вақти билан);
  • Истанбулдан учиш: 14:00 (Истанбул вақти билан);
  • Фарғонага қўниш: 20:50 (Тошкент вақти билан).
Кўпроқ янгиликлар