Ўзбекистондаги қизлар ва ёш аёлларнинг 68 фоизи ҳеч қачон интернетдан фойдаланмаган — ЮНИСЕФ

Жамият 10:25 / 12.10.2021 3910

ЮНИСЕФ 11 октябрь - Халқаро қизлар кунида ёшлар ўртасида ўтказилган тадқиқот натижаларини эълон қилди. Унга кўра, Ўзбекистонда компьютер саводхонлиги бўлмаган қизлар улуши 43,5 фоизни, ўғил болалар орасида эса 30 фоизни ташкил қилади.

14 ёшдан 30 ёшгача бўлган қизлар ва ёш аёлларнинг 68 фоизи ҳеч қачон интернетдан фойдаланмаган.

«Бу уларнинг таълим олиш ва меҳнат бозоридаги салоҳиятини рўёбга чиқариш имкониятларини сезиларли даражада камайтиради. Қизларнинг истеъдодлари очилиши учун уларга рақамли дунё борасида саводхонлик ва бу маконда зўравонлик хавфидан холи бўлган хавфсизлик зарур», дейилади хабарда.

Маълум қилинишича, бу йил қизларга рақамли технологиялардаги яратувчилар сифатида эътибор қаратилади – «Рақамли авлод. Бизнинг авлод». Қизлар рақамли дунёда ўзларини ифода этишлари ва салоҳиятларини амалга оширишлари учун керак бўлган ечимларни билишади.

Кўпроқ янгиликлар