Qoʻshimcha funksionallar
-
Tungi ko‘rinish
Afg‘onistonning sobiq vitse-prezidenti Solih Panjsherni tark etib Tojikistonga ketdi – OAV
«Tolibon» Afg‘onistonda hukumatni egallaganidan so‘ng prezident Ashraf G‘ani mamlakatni tark etgach, vitse-prezident Amrulla Solih o‘zini mamlakat prezidenti deb e'lon qilgandi.
Foto: AFP
Afg‘onistonning sobiq vitse-prezidenti Amrulla Solih Panjsherni tark etdi va Tojikistonga ketdi. Bu haqda TASS o‘z manbasiga tayanib xabar berdi.
«Panjsherdagi vaziyat ancha murakkab. Toliblar hududni to‘rt tomondan qamal qilgan, viloyatga internet, elektr va telefon aloqasini bermayapti. Solih o‘tgan tunda Panjsherni tark etdi va Tojikistonga yo‘l oldi. U allaqachon o‘sha yerda bo‘lsa kerak», – degan agentlik manbasi.
15 avgust kuni «Tolibon» Afg‘onistonda hukumatni egallaganidan so‘ng prezident Ashraf G‘ani mamlakatni tark etgach, vitse-prezident Amrulla Solih o‘zini mamlakat prezidenti deb e'lon qilgandi.
Keyinroq Solihning Panjsher viloyatida ekanligi ma'lum qilindi. Panjsher hozirda toliblar nazoratiga o‘tmagan yagona viloyat bo‘lib turibdi.
AQShning Afg‘onistondan ketishi
Mavzuga oid
20:37 / 10.03.2025
Yevropa Ittifoqi Tojikistonga chegara xavfsizligini yaxshilashga yordamlashadi
17:38 / 03.03.2025
Tojikistondagi parlament saylovlarida prezident Imomali Rahmon partiyasi g‘alaba qozondi
13:26 / 25.02.2025
Tojikiston va Qirg‘izistondan olib kelingan 48 kilogrammdan ortiq narkotik musodara qilindi
19:42 / 21.02.2025