«Hududiy elektr tarmoqlari» AJ mustaqilligimizning 30 yillik bayrami munosabati bilan “Elektr energiyasi mening taqdirimda” mavzusida sovrinli viktorina e'lon qiladi.
Viktorina shartlariga ko‘ra, «Hududiy elektr tarmoqlari» AJning ijtimoiy tarmoqdagi rasmiy telegram kanali – @hetmuloqot orqali berib boriladigan sohaga oid savollarga to‘g‘ri va tezkorlik bilan javob yo‘llash kerak bo‘ladi.
Tanlovda barcha O‘zbekiston fuqarolari qatnashishi mumkin. Viktorinada ishtirok etib, qimmatbaho sovg‘alarni qo‘lga kiritishni xohlaganlar «Hududiy elektr tarmoqlari» AJning telegramdagi @hetmuloqot rasmiy kanaliga a'zo bo‘lishlari hamda o‘z javoblarini @HET_admin kanal administratoriga yuborishlari kifoyadir.
Savollar joriy yilning 25 avgust kunidan 31 avgustigacha @hetmuloqot kanali orqali berib boriladi. Savollarga eng ko‘p to‘g‘ri javob qaytargan 3 ta g‘olib kanal administratorlari tomonidan aniqlangandan so‘ng, Mustaqillik bayrami arafasida qimmatbaho sovg‘alar bilan taqdirlanishi belgilangan. Viktorinada g‘olib bo‘lish uchun javoblar yuborilgan vaqt ham inobatga olinishini eslatib o‘tmoqchimiz.
Viktorina g‘oliblari quyidagi sovg‘alar bilan taqdirlanadi:
1-o‘rin – noutbuk;
2-o‘rin – planshet;
3-o‘rin – uyali telefon.
Viktorinada ishtirok eting va g‘olib bo‘ling!
«Hududiy elektr tarmoqlari» AJ matbuot xizmati Ⓣ
