Bugun, 17 avgust kuni Qarshi shahrida bir guruh shaxslar odamlar ko‘z o‘ngida sport murabbiyi Elbek Rahimovni urib, kaltaklashgan. So‘ng, mashinaga o‘tqazib, noma'lum tomonga olib ketishgan.

Kun.uz manbasiga ko‘ra, keyinroq murabbiyning jasadi topilgan.

Bosh prokuratura matbuot xizmatidan ma'lum qilishlaricha, holat yuzasidan Jinoyat kodeksining 97-moddasi (Qasddan odam o‘ldirish) bilan jinoyat ishi qo‘zg‘atilgan.

Ish doirasida 7 nafar shaxs gumonlanuvchi tariqasida jalb qilinib, ulardan 6 nafari protsessual tartibda ushlangan.

Kun.uz manbasining ma'lum qilishicha, Elbek Rahimovni urib mashinaga tiqib ketgan shaxslardan biri bilan uning o‘zaro adovati bo‘lgan.