Surxondaryo viloyati Termiz tumanida savdo do‘konidan oziq-ovqat mahsulotlarini o‘g‘irlagan shaxsga jinoiy ish qo‘zg‘atilgan. Bu haqda viloyat IIB xabar bermoqda.

Ma'lum qilinishicha, 2021 yil 23 iyul kuni, Termiz tumani Sh.Rashidov mahallasida yashovchi, tadbirkor O‘.Mansur IIVning virtual qabulxonasiga murojaat qilgan. U o‘z murojaatida, joriy yil 22 iyuldan 23 iyulga o‘tar tunda, tumanning Sh.Rashidov mahallasida joylashgan savdo do‘konidan 5,6 million so‘mlik oziq-ovqat mahsulotlarini noma'lum shaxs o‘g‘irlab ketganini bildirgan.

Qayd etilishicha, ichki ishlar organlari xodimlari tomonidan ko‘rilgan choralar natijasida, ushbu o‘g‘rilikni tumanning Sh.Rashidov mahallasida yashovchi, E.Javohir sodir etgani aniqlanib ushlangan va undan ashyoviy dalillar olingan.

Ta'kidlanishicha, mazkur holat yuzasidan 26 iyul kuni E.Javohirga nisbatan Jinoyat kodeksining 169-moddasi 2-qismi «g» bandi bilan jinoiy ish qo‘zg‘atilgan.