Bobur Yo‘ldoshev «Diydor» teatr-studiyasiga badiiy rahbar etib tayinlandi

“Diydor” yoshlar eksperimental teatr-studiyasi davlat muassasasiga badiiy rahbar tayinlandi. Bu haqda Madaniyat vazirligi xabar bermoqda.

O‘zbekiston davlat yoshlar teatrining oliy toifali aktyori Bobur Yo‘ldoshev "Diydor" yoshlar teatriga rahbar etib tayinlandi.

Bobur Yo‘ldoshev 1979 yilda Toshkent shahrida tug‘ilgan, ma'lumoti oliy. Yoshlar teatri qoshidagi dramatik san'at maktab-studiyasini tugatgan. 2003 yilda Toshkent davlat san'at institutining “Drama teatri va kino aktyorligi” fakultetini tamomlagan va shu teatrda 26 yildan buyon faoliyat olib boradi.

Mehnat faoliyatini 1995 yilda Yoshlar teatrida yordamchi vazifasidan boshlagan. Teatrdagi faoliyati davomida aktyor 40ga yaqin esda qolarli rollarni ijro etgan.

1998 yildan buyon teatr bilan birga kino va televideniye yo‘nalishida ham ijodiy faoliyatini olib boradi.

Ma'lumot uchun, “Diydor” yoshlar eksperimental teatr-studiyasi 2009 yilda O‘zbekiston san'at arbobi, xalq artisti Bahodir Yo‘ldoshev tomonidan tashkil etilgan.

#Bobur Yo‘ldoshev #Diydor teatri