Марҳамат туманида замонавий кутубхона барпо этилди

Жамият 17:22 / 09.06.2021 6534

Андижон вилоятининг Марҳамат туманида фаолият юритувчи тадбиркор Қобилжон Обидов ўз маблағлари ҳисобидан жамоат кутубхонасини барпо этди.

Шарқона услуб ва замонавий архитектура уйғунлиги асосида қурилган кутубхонанинг очилиш маросими олдидан китоб фондини шакллантириш ҳамда бинонинг сўнгги таъмирлаш жараёнлари кетмоқда.

Уч қаватли кутубхонада 150 мингга яқин китоб жойлаштирилади.

Бундан ташқари, кутубхона тўлиқ қувват билан ишга тушгач, китобхонлар замонавий компьютерларда 300 мингдан зиёд электрон китобларни ўқиш имкониятига эга бўлади.

Кутубхона тез кунларда иш бошлаши кутилмоқда. У марҳаматлик ёшлар учун Мустақилликнинг 30 йиллигига муносиб совға бўлса ажаб эмас.

Элмурод Эрматов,
Жаҳонгир Маҳмудов

Кўпроқ янгиликлар