2021 yilda jahon iqtisodiyotida keyingi 80 yil ichidagi rekord o‘sish qayd etilishi kutilmoqda. Bu haqda Jahon banki hisobotida ma'lum qilindi.

Ma'lumot berilishicha, joriy yilda dunyo iqtisodiyoti 5,6 foizga o‘sadi.

«Bu oxirgi 80 yil ichida retsessiyadan so‘ng tiklanishning eng yuqori ko‘rsatkichi hisoblanadi», deyiladi hisobotda.

Jahon bankining qayd etishicha, 2020 yilda dunyo YaIM 3,5 foizga tushib ketgan. 2022 yilda jahon iqtisodiyoti 4,3 foizga o‘sishi kutilmoqda.

Avvalroq «Renessans kapital» investitsiya kompaniyasi O‘zbekiston va Qozog‘istonni MDHning eng istiqbolli iqtisodiyotga ega mamlakatlari deb e'lon qilgandi.