Qashqadaryo viloyati Chiroqchi tumanida fuqarolarni chet elga ishga jo‘natishni va'da qilib, ularning pulini o‘zlashtirgan shaxsga nisbatan jinoyat ishi qo‘zg‘atilgan. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar bermoqda.
Ma'lum qilinishicha, Bosh prokuratura huzuridagi Departamentning Chiroqchi tuman bo‘limi tomonidan o‘tkazilgan tergovga qadar tekshiruvda, fuqaro T.T. fuqaro N. va B.larning ishonchiga kirib, ularni Janubiy Koreyaga ishga jo‘natishga va'da berib, evaziga 1 750 AQSh dollarini firibgarlik yo‘li bilan qo‘lga kiritganligi aniqlangan.
Qayd etilishicha, mazkur holat yuzasidan T.T.ga nisbatan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Qashqadaryoda qalbaki PZR-test natijalarini sotayotgan xususiy klinika rahbari qo‘lga olindi
