Sardor Umrzoqov: «Emlash dasturlariga qaramay, pandemiya bu yil tugaydi deb aniq aytib bo‘lmaydi»
O‘zbekiston investitsiyalar va tashqi savdo vaziri Sardor Umrzoqovning fikricha, vaksinatsiyaga qaramay, COVID-19 pandemiyasi 2021 yilda tugamaydi.

«Katta hajmdagi emlash dasturlariga qaramay, pandemiya bu yil tugaydi deb aniq aytib bo‘lmaydi. Oqibatda sarmoyaviy rejalar ortga surilmoqda va qo‘shimcha qo‘llab-quvvatlash to‘plamlari budjetiga katta yuk bo‘lib tushmoqda», - dedi u Toshkentdagi «Innoprom» sanoat ko‘rgazmasida.
Umrzoqov pandemiya barcha mamlakatlar uchun jiddiy chaqiriqqa aylanib, global iqtisodiyotga, xalqaro ishlab chiqarish zanjirlariga zarba berganini va rivojlanishga bosim o‘tkazishda davom etayotganini ta'kidladi.
«Asosiy energiya tashuvchilar va xomashyoning jahon narxlari pasayishi hamda o‘zgaruvchanligi, aviatsiya bozori va turizm sanoatida inqirozni keltirib chiqargan cheklov choralarining joriy etilishi va boshqa bir qator omillar dunyoda yalpi mahsulot keskin pasayishi, jahon savdosi hajmi va to‘g‘ridan to‘g‘ri investitsiyalarning global oqimi qisqarishiga olib keldi», deya qo‘shimcha qildi vazir.
Bundan tashqari, pandemiya boshlanganidan keyin davlat resurslarining misli ko‘rilmagan darajada safarbar qilinishi, shu jumladan budjet va monetar rag‘batlantirish choralari «jahon iqtisodiyotini deyarli koma holatiga tushirdi», dedi Umrzoqov.
Uning so‘zlariga ko‘ra, ushbu sharoitda iqtisodiyotni raqamlashtirish, yuqori texnologiyalarni jadal joriy etish, sanoat aloqalarini mustahkamlash va xalqaro kooperatsiyani rivojlantirish mamlakatlar uchun har qachongidan ham dolzarb bo‘lib qolmoqda.
«Pandemiya to‘rtinchi sanoat inqilobini, aqlli texnologiyalarni, internet buyumlar va sun'iy intellektni rivojlantirishni tezlashtirishi mumkin bo‘lgan aloqasiz (kontaksiz) iqtisodiyotga ehtiyoj tug‘dirdi. Onlayn ish, ko‘ngilochar soha, savdo, davlat boshqaruvi va ta'limga o‘tish zamonaviy rivojlanishning tabiiy tendensiyasiga aylanmoqda. Postkovid davrdagi chaqiriqlarga iqtisodiyot raqobatbardoshligini oshirish uchun texnologik o‘zgarishlarni rag‘batlantirish o‘ziga xos javob bo‘lishi kerak», deya qo‘shimcha qildi Umrzoqov.
Tavsiya etamiz
Magic City'ning egasi yana o‘zgaradi
O‘zbekiston | 21:22 / 17.03.2025
«Balki uddalarmiz, balki yo‘q». Tramp ertaga Putin bilan gaplashishga va’da berdi
Jahon | 20:36 / 17.03.2025
Emmanuel Makron Yevropaga «yadroviy qalqon» taklif etdi
Jahon | 12:00 / 16.03.2025
AQSh 43 davlat, jumladan Rossiya va Belarus fuqarolarining kirishini cheklashi mumkin
Jahon | 17:13 / 15.03.2025
So‘nggi yangiliklar
-
Kanada bosh vaziri Volodimir Zelenskiyni G7 sammitiga taklif qildi
Jahon | 11:45
-
Markazlashgan issiqlik ta’minoti qamrovi 50 foizdan oshiriladi
O‘zbekiston | 11:32
-
Audi 2029 yilgacha Germaniyada 7500 ta ish o‘rnini qisqartiradi
Jahon | 11:26
-
Guliston IIB TB talabi bilan Sankt-Peterburgda hibsga olingan o‘zbekistonlik ayolni Rossiya prokuraturasi qo‘yib yubordi
O‘zbekiston | 11:10
Mavzuga oid

10:41 / 13.03.2025
Germaniya razvedkasi: COVID-19 pandemiyasi Xitoydagi sizib chiqish sababli yuzaga kelgan

15:37 / 21.02.2025
Xitoyda ko‘rshapalaklar orasida yangi koronavirus aniqlandi

19:01 / 20.02.2025
Rossiyaga chet elliklar oqimi pandemiyadan oldingi darajaga qaytdi

20:02 / 31.12.2024