2021 yilning 10 fevral kuni «Axborot texnologiyalar va kommunikatsiyalarni yanada rivojlantirishga investitsiyalarni jalb qilish chora-tadbirlari to‘g‘risida»gi prezident qarori imzolandi.
Qarorda O‘zbekiston hukumati va Megafon ochiq aksiyadorlik jamiyati (OAJ) o‘rtasida imzolangan shartnoma shartlari keltirilgan.
Qarorda ma'lum qilinishicha, 2023 yildan boshlab uyali aloqa xizmatlari uchun aksiz solig‘i bekor qilinadi.
Bungacha bo‘lgan muddatda soliq stavkasi bosqichma-bosqich kamaytirib borilishi ko‘zda tutilgan. Xususan, 2022 yilning 1 yanvaridan boshlab uyali aloqa xizmatlari uchun aksiz solig‘i 10 foiz bo‘lishi belgilangan.
Ma'lumot uchun, 2021 yilda uyali aloqa xizmatlari uchun aksiz solig‘i 20 foizdan 15 foizga tushirilgan edi.
Avvalroq, USM Telecom va «MegaFon» o‘zbekistonlik hamkorlar bilan birgalikda yangi qo‘shma korxona – Digital Holding’ni tashkil etgani xabar qilingandi.
