Apple раҳбари бир йилда қарийб 300 млн доллар ишлади

Технология 17:02 / 06.01.2021 2979

 Apple Inc корпорациясининг бош ижрочи директори Тим Кук 2020 йилда қарийб 300 млн доллар ишлаб топган. Бу ҳақда корпорациянинг қимматли қоғозлар ва биржалар бўйича комиссияга (SEC) йўллаган ҳисоботида маълум қилинди.

Коронавирус пандемиясига қарамасдан, 2020 йилги молиявий йилда Apple даромади 3,9 фоизга ўсган. Компания капитализацияси эса 80 фоизга ўсиб, 2 трлн доллардан ортиқроқни ташкил этди.

Натижада Тим Кукнинг мукофот пуллари 40 фоизга - 10,7 млн долларга ошди. Бундан ташқари, у 2011 йилда расмийлаштирилган узоқ муддатли рағбатлантириш пакети доирасида компаниянинг умумий қиймати 281,9 млн долларлик акцияларини қўлга киритган. 

 Тим Кук ўтган йили 3 млн доллар маош олган. Компания шунингдек, унинг хавфсизлигини таъминлаш учун 470 минг ва авиапарвозлари учун 432 минг доллар сарфлаган.

Тим Кук корпорацияда 1998 йилдан буён фаолият юритиб келмоқда. 

Эслатиб ўтамиз, Тим Кук ўтган йил августда миллиардерга айланган. 

Кўпроқ янгиликлар