Ноябр ойи охиригача республикадаги барча боғчалар очилади – МТВ

Жамият 10:24 / 20.11.2020 3495

Мактабгача таълим вазирлигининг маълум қилишича, айни пайтда Санитария-эпидемиологик осойишталик маркази билан биргаликда Халқ депутатлари кенгашларининг рухсатини олишни кутаётган мактабгача таълим муассасаларида тайёргарлик ишларини тезлаштириш учун ишларни олиб бормоқда.

Фаолиятини қайта тиклаш ва болаларни қабул қилиш ҳуқуқи Санитария-эпидемиология хизматидан рухсат олган МТТларга берилади. Шу билан бирга, қурилиш-таъмирлаш ишлари олиб борилаётган ёки ходимларида коронавирус аниқланган боғчалар ёпиқлигича қолади.

Жумладан, Сирдарё вилоятида 20та боғча йил охиригача ёпиқ бўлади, Тошкент вилоятида эса 104та боғча таъмирлаш ишлари олиб борилаётгани туфайли ишламай туради. Республикада яна 4та мактабгача таълим муассасаси авария ҳолатида, уларни 2021 йил инвестиция дастурига киритиш тавсия қилинмоқда. Тошкент шаҳрида эса 80та МТТда таъмирлаш ишлари олиб борилмоқда.

Эслатиб ўтамиз, айни пайтда 5 385та давлат МТТ очилган (89 фоиз), уларда 691 271 нафар бола тарбияланмоқда. 

Кўпроқ янгиликлар