Ijtimoiy mas'uliyat har birimizning burchimiz. Buni koronavirus infeksiyasining pandemiyasi yana bir bor yodga soldi. Ana shunday murakkab davrda yashash sharoitini yaxshilash uchun yangi imkoniyatlarni ishga solish juda zarur.

Meteorologlarning fikriga ko‘ra, bu yil qish sovuq kelib, havo harorati oldingi yillarga nisbatan past bo‘lishi kutilmoqda. Shu munosabat bilan mamlakat aholisini isitish moslamalari bilan ta'minlash ustuvor vazifalardan sanaladi.

Farg‘ona neftni qayta ishlash zavodi sovuq kunlar boshlanishi bilan, ishlab chiqarilayotgan pech yoqilg‘isining narxini joriy yilning 20 noyabridan e'tiboran pasaytirishga qaror qildi (ilgari uning narxi bir tonna uchun 4,4 million so‘mni tashkil qilar edi):

• Zavodning o‘zidan tonnasi uchun 4 million so‘mgacha;
• Respublikada joylashgan «O‘zbekneftgaz» AJ neft omborlaridan bir tonna uchun 3 million 950 ming so‘mgacha. 

Ushbu chora-tadbirlar respublika aholisini qo‘llab-quvvatlashga, shuningdek, avtonom isitish qozonlaridan foydalaniladigan ijtimoiy soha obektlari ehtiyojlarini ta'minlash maqsadida belgilandi.

Farg‘ona neftni qayta ishlash zavodi axborot xizmati