Kun.uz saytida bu haqda 17 iyun kuni «Urganchda yangi savdo kompleksi qurilishi tadbirkorlar noroziligiga sabab bo‘lmoqda» nomli maqola e'lon qilingandi.
27 oktabr kuni Urganch tumanlararo iqtisodiy sudida savdo majmuasining qurilishi noqonuniy deb topildi.
Sud qurilishni to‘xtatish va yer maydonini avvalgi (avtomobillarni saqlash joyi) holiga keltirish haqida qaror qabul qildi.
Shuningdek, sud «URGANCH ECO SHOPPING CENTER» MChJ bu qaror ustidan belgilangan tartibda shikoyat berish huquqiga ega ekanini qayd etdi.
Ayni paytda savdo majmuasining qurilishi davom etmoqda va 3ta qavati qad rostlagan.
