«Grand Pharm Trade» компанияси «Eurasian Pharma Award» мукофотининг «Йил дистрибьютери» номинациясида ғолиб бўлди

Жамият 20:00 / 26.10.2020 3515

2020 йилнинг 14 октябридан 21 октябрига қадар Advatix Pharma платформасида навбатдаги Евросиё Фармацевтика Виртуал Саммити ташкиллаштирилди. Бу тадбирда Евросиё иттифоқининг 13 та давлатидан (Россия, Қозоғистон, Ўзбекистон, Озарбойжон, Қирғизистон, Беларусь, Арманистон, Украина, Грузия, Молдова, Туркманистон, Тожикистон, Мўғулистон) фармацевтика бозорининг 100 га яқин иштирокчилари қатнашдилар. 

2020 йилнинг 21 октябрида Саммит якунига кўра натижалар сарҳисоб этилди ва 13 номинация бўйича Eurasian Pharma Award мукофотига сазовор бўлганлар эълон қилинди.

Мустақил ҳакамлар баҳосига кўра «Йил дистрибьютори» «Grand PharmTrade» (Ўзбекистон) компанияси энг яхши деб топилди.

«Йил дистрибьютори» номинацияси бўйича мукофотни қабул қилиб оларкан компания ҳиссадори Азизхўжа Аббосхўжаев пандемия давом этаётган мураккаб даврда бутун жамоа билан амалга оширилган улкан ишларнинг ҳосиласи ўлароқ эришилган бу ютуқнинг аҳамияти катта эканлигини билдирди.

«Grand Pharm Trade» компанияси ходимларининг меҳнатлари самарасига кўра бу танловда ҳакамларнинг юқори баҳоси ва мукофот олиш катта шараф.

Компаниянинг юксак даражадаги профессионал жамоаси мураккабликларга қарамай ўз олдига йирик мақсадлар қўйишда давом этади. Ўз фаолиятимизнинг устувор вазифаси сифатида биз энг инновацион технологияларни қўллаган ҳолда истеъмолчиларга кенг қамровли, юқори сифатдаги дори воситалари ва тиббий буюмларни узлуксиз етказиб беришни кўрамиз.

SAP дастури орқали ҳисоб-китоб, назорат ва бошқарув тизимининг жорий қилиниши компанияга харажатларни қисқартириш, маҳсулотлар захирасида капитални музлатиб туришни камайтириш, жамоа меҳнати самараси ва маҳсулотлар айланувини ошириш, шунингдек молиявий оқимлар назоратни кучайтириш имконини берди», – деди А.Аббосхўжаев.

Реклама ҳуқуқи асосида

Кўпроқ янгиликлар