Сирдарёда йил якунига қадар 230та лойиҳа ишга туширилади – вазир

Иқтисодиёт 13:52 / 14.10.2020 2743

«Талафот кўрган 3та ҳудуддаги 11та маҳаллада истиқомат қиладиган фуқаролар билан гаплашиб, ишсиз бўлган фуқароларнинг рўйхатини аниқлаб олдик. Рўйхат қилинганида 5 мингдан ортиқ ишсиз фуқаролар аниқланди.

Бу фуқароларни ҳақ тўланадиган жамоат ишларига жалб қилдик. Фуқаролар ўз маҳалла, хонадонларини ўзлари тозалашда иштирок этишди ва бунинг учун ҳар ойда ҳақ тўланди. 4 мингдан ортиқ фуқаролар бунда иштирок этишди.

Иккинчи йўналишимиз – республиканинг барча ҳудудларидан қурувчилар келди. Биз мана шу қурувчи, пудрат ташкилотлари билан алоқага чиқиб, шу ҳудуднинг ўзида истиқомат қилувчи фуқароларни ишга жойлаш чораларини кўрдик. Натижада 1,5 мингдан ортиқ шу туманларда истиқомат қилган, қўлида ҳунари бўлган фуқароларимиз – электр, бетончи, сувоқчи ёки бошқа қурилиш касбига эга бўлганларни қурувчи ташкилотларига шартнома билан ишга йўлладик. 1,5 мингдан ортиқ фуқаро нафақат кўп қаватли уйлар, балки 1,8 мингдан ортиқ якка тартибдаги уйларни таъмирлашда ўзлари иштирок этишди. Улар ҳам ўз вақтида, қурувчилар билан тенг равишда иш ҳақини олиб келишди.

Яна бир йўналиш – қарийб 1,8 мингдан ортиқ якка тартибдаги хонадонлар олдидаги пиёдалар йўлакчаси қуриш ишларини юз фоиз маҳаллий аҳолининг кучи билан амалга оширдик. Рақамларда айтадиган бўлсак, 36 км тротуар йўлакчаси фуқароларимизнинг ўз қўллари билан қурилди», деди Нозим Ҳусанов Халқаро пресс-клубнинг «Сирдарё: халқ розилиги ва бирга катта кучмиз» номли сессиясида.

Вазир Сирдарёда йил якунига қадар яратиладиган иш ўринлари ҳақида маълумот берди.

«Президентимиз Сирдарё вилоятининг мана шу 3та туманини саноат туманлари қилиш бўйича топшириқ берганди.

Шу йил якунигача 230та лойиҳа ишга тушириш бўйича жараёнлари кетяпти. Булар 8 мингдан ортиқ иш ўринларини ташкил қилади. Мисол учун, шулардан 31та лойиҳа бу – тикувчилик йўналишида», деди вазир.

Кўпроқ янгиликлар