Marosim Savdo-iqtisodiy hamkorlik bo‘yicha Hukumatlararo komissiyaning 7-yig‘ilishi doirasida o‘tkazildi.

Forumda ikki tomondan davlat organlari, davlat korxonalari va tashkilotlari  rahbarlari, shuningdek, xususiy sektorlar rahbarlari bo‘lgan 300dan ortiq kishi ishtirok etdi.

Ishtirokchilar investitsion muhit va turizm, sanoat, energetika, xizmatlar ko‘rsatish va boshqa sohalardagi imkoniyatlar bilan tanishishdi, shuningdek, hamkorlik uchun qo‘shma loyihalar ko‘rib chiqildi.

Forumning rasmiy qismi yakunlangach, «Tadbirkorlar tadbirkorlar bilan» (B2B) formatida ikki tomonlama uchrashuvlar o‘tkazildi, uning yakunlariga ko‘ra hamkorlik to‘g‘risida yangi hujjatlar imzolandi.

Tojikiston Investitsiyalar va davlat mulkini boshqarish qo‘mitasi ma'lumotiga ko‘ra, forum doirasida davlat va xususiy sektor sub'yektlari iqtisodiy hamkorlikning deyarli barcha yo‘nalishlarini o‘z ichiga olgan 50 million dollarlik 15ta hamkorlik shartnomalarini imzolashgan.