Тошкент шаҳрида иккита кафеда ёнғин юз берди

Ўзбекистон 10:25 / 17.09.2020 4929

Тошкент шаҳрининг Миробод ва Чилонзор туманларида ёнғин юз берди. Бу ҳақда Фавқулодда вазиятлар вазирлиги хабар қилган.

Маълум бўлишича, келиб чиққан вазият оқибатида Нукус кўчаси 10-уйда жойлашган «Бухоро» кафесининг ошхонаси ҳамда Бунёдкор шоҳкўчаси ва Чўпонота кўчаси чорраҳасида жойлашган ижарада бўлган «Бистроф» кафесининг қарийб 190 кв.м.га зарар етган.

Ушбу ҳолат юзасидан Тошкент шаҳар Фавқулодда вазиятлар бошқармасининг 8та ёнғин ўчириш экипажи ҳамда 2 автонарвон зудлик билан воқеа жойига етиб келди. Ёнғин-қутқарувчиларнинг олиб борган тезкор саъй-ҳаракатлари натижасида биноларнинг 430 кв.м. майдони сақлаб қолинган. Жабрланганлар тўғрисида маълумотлар келиб тушмаган. 

Ёнғиннинг келиб чиқиш сабаблари ўрганилмоқда.

Кўпроқ янгиликлар