Joriy yilning 25 avgust kuni soat 22:00dan 26 avgust 18:00ga qadar Yakkasaroy tumani Cho‘pon ota ko‘chasidan o‘tuvchi ichimlik suvi tarmog‘ida profilaktik ta'mirlash ishlari amalga oshiriladi. 

Poytaxt hokimligi xabariga ko‘ra, bu Toshkent shahrida 2020-2021 yillar kuz-qish mavsumiga tayyorgarlik ko‘rish dasturiga muvofiq bajariladi.

Shu munosabat bilan qator manzillarga ichimlik suvi ta'minoti vaqtincha to‘xtatiladi.
 
Ular:

- Yakkasaroy ko‘chasi;  
- Suqrot ko‘chasi;  
- Hiloliy 3-tor ko‘chasi;  
- Sh.Rustaveli ko‘chasi;  
- Nasafiy ko‘chasi;  
- Cho‘pon ota ko‘chasi.  

Suv ta'minotidan uzilgan hudud aholisi ichimlik suvi yetkazib berilishi bo‘yicha quyidagi raqamlarga murojaat qilishlari mumkin: 71 255-05-50, 71 255-26-76

Keltirilgan noqulaylik uchun uzr so‘ralgan.