Joriy yilning 23 avgust kuni soat 19:30larda, Qashqadaryo viloyati Kitob tumani, “Saroy” MFY, Saroy qishlog‘i ichki yo‘lida yo‘l-transport hodisasi ro‘y berdi.

IIV YHXBB xabariga ko‘ra, haydovchi, 1979 yilda tug‘ilgan S.I. “Damas” rusumli avtomobilni boshqarayotib yo‘ldagi notekislikdan qochib qarama-qarshi yo‘nalishga o‘tib ketib, qarshisidan kelayotgan haydovchi, 1996 yilda tug‘ilgan J.J. boshqaruvidagi “Kamaz 5511” rusumli yuk avtomashinasi bilan to‘qnashib, YTH sodir etgan.

Natijada, “Damas” rusumli avtomobil haydovchisi, 41 yoshli S.I. og‘ir tan jarohatlari bilan shifoxonada vafot etgan.

Mazkur YTH yuzasidan Kitob tumani IIB huzuridagi TB tomonidan joriy yil 24 avgust kuni O‘zbekiston Respublikasi Jinoyat kodeksining 266-moddasi 2-qismi (Transport vositalari harakati yoki ulardan foydalanish xavfsizligi qoidalarini buzish odam o‘lishiga sabab bo‘lishi) bilan jinoyat ishi qo‘zg‘atilib, tergov harakatlari olib borilmoqda.