Xorijdagi O‘zbekiston fuqarolarini olib kelish uchun Respublika maxsus komissiyasi tomonidan qabul qilingan xalqaro aviatashuvlarni tashkil etish to‘g‘risidagi vaqtinchalik tartibga asosan, turoperatorlar va aviakompaniyalar tomonidan «Moskva - Urganch»  charter reysi tashkil qilindi.

Bu reys orqali 162 nafar yo‘lovchi, jumladan 145 nafar erkak va 17 nafar ayol Urganch shahriga olib kelindi. 

Charter reysda kelgan barcha yo‘lovchilar 10 kunlik karantin davrini o‘tkazish uchun mehmonxonalarga joylashtirildi, deb xabar berdi Xorazm viloyati Transport boshqarmasi matbuot xizmati.