Заргарлик соҳасида ноҳалол тадбиркорлар реестрини юритиш тартиби тасдиқланади

Ўзбекистон 09:47 / 05.08.2020 2000

Вазирлар Маҳкамасининг “Ўзбекистон Республикасининг заргарлик соҳасидаги ноҳалол тадбиркорлик субъектлари реестрини юритиш тартиби тўғрисидаги низомни тасдиқлаш”ги қарори лойиҳаси эълон қилинди.

Қуйидагилар:

Ўзбекистон Республикасининг заргарлик соҳасидаги ноҳалол тадбиркорлик субъектлари реестрини юритиш тартиби тўғрисидаги Низом;

Ўзбекистон Республикасининг заргарлик соҳасидаги ноҳалол тадбиркорлик субъектларини реестрга киритиш ва ундан чиқариш учун маълумотларни тақдим этувчи масъул ваколатли органлари рўйхати тасдиқланади.

Ўзбекистон Республикаси Молия вазирлиги ҳузуридаги Давлат асиллик даражасини белгилаш палатаси 2021 йилнинг 1 январидан заргарлик соҳасидаги ноҳалол тадбиркорлик субъектлари реестрини Ўзбекистон Республикасининг очиқ маълумотлар Порталида юритилишини таъминлайди.

Ўзбекистон Республикасининг заргарлик соҳасидаги ноҳалол тадбиркорлик субъектлари реестрини юритиш тартиби тўғрисидаги низомга кўра, ваколатли органлар тақдим қилган маълумотларга асосланиб, реестрни юритиш, шунингдек ноҳалол тадбиркорлик субъектлари ҳақидаги маълумотларни электрон кўринишда унга киритиш ва чиқариб ташлаш Ўзбекистон Республикаси Молия вазирлиги ҳузуридаги Давлат асиллик даражасини белгилаш палатаси томонидан Ўзбекистон Республикаси очиқ маълумотлар Порталида жойлаштириш орқали амалга оширилади.

Реестр ахборот ресурси бўлиб, давлат, инглиз ва рус тилларида юритилади ва бошқа тилларда тенг маъноли ёки қисқартирилган кўринишда бўлиши мумкин.

Реестрдаги маълумотлардан ҳамма бепул ва эркин фойдаланиши мумкин.

 Қимматбаҳо металлар ва қимматбаҳо тошлардан тайёрланган, даво қилинган асиллик даражасига тўғри келмайдиган, заргарлик ва бошқа буюмларнинг асиллик даражасини аниқлаш ва тамғалаш тартибини бузилишига йўл қўйган ҳамда уларни реализация қилаётган маҳаллий заргарлик буюмларини ишлаб чиқарувчиларга нисбатан қонунчиликда белгиланган тартибда таъсир чоралари кўрилган ҳолда, заргарлик соҳасидаги ноҳалол тадбиркорлик субъектлари реестрига киритилади.

Низомнинг 1-иловасидаги схемага мувофиқ ҳимояланган E – XAT электрон почтаси орқали электрон шаклда ноҳалол тадбиркорлик субъектлари ҳақидаги маълумотлар ваколатли органлар томонидан тақдим қилинади. Келиб тушган маълумотларни Асиллик палатаси 10 йил давомида сақловини амалга оширади.

Реестр қуйидаги маълумотларни ўз ичига олади:

а) асосий маълумотлар: юридик шахснинг номи ва ташкилий - ҳуқуқий шакли, солиқ тўловчининг идентификация рақами (СТИР), якка тартибдаги тадбиркорнинг фамилияси, исми, отасининг исми (агар бўлса) ва унинг солиқ тўловчининг идентификация рақами (СТИР);

б) фаолиятни амалга ошириш жойи (вилоят, шаҳар, туман, кўча, уй рақами);

в) ишлаб чиқарувчининг шахсий тамғаси изи шифри;

г) ноҳалол тадбиркорлик субъектини реестрга киритиш ҳақида тақдимнома киритган ваколатли орган номи;

д) маълумотлар киритилган сана;

е) тадбиркорлик субъектини реестрдан чиқариш ҳақида маълумотлар киритган ваколатли орган номи;

ж) реестрдан чиқариш санаси;

з) изоҳлар (асослар).

Реестр, Қарорнинг 2–иловасида кўрсатиб ўтилган ваколатли органлар масъуллари томонидан тақдим қилинган маълумотларни заргарлик соҳасидаги ноҳалол тадбиркорлик субъектлари реестрига киритиш (чиқариш) орқали шаклланади.

Ваколатли орган Ўзбекистон Республикаси заргарлик соҳасидаги тадбиркорлик субъекти томонидан асиллик даражасини аниқлаш ва тамғалашда қонунчиликда белгиланган тартибни бузган ноҳалол тадбиркорлик субъектларини тегишли орган томонидан айбдор деб қарор қилинган кундан сўнг 5 иш куни муддатидан кечиктирмай, ноҳалол тадбиркорлик субъектлари реестрига киритиш учун Асиллик палатасига маълумотларни тақдим қилади.  

Ноҳалол тадбиркорлик субъектлари ҳақидаги маълумотларни ваколатли орган йўлланма хат билан Низомнинг 2-иловасидаги шаклга мувофиқ тўлдирилган жадвалга асосан, электрон шаклда ҳимояланган E - XAT электрон почтаси орқали юборади.

Асиллик палатаси ваколатли орган тақдим этган маълумотлар мавжудлигини ва ушбу Низомнинг 8-бандига мувофиқлигини, шунингдек, маълумотларнинг тўлиқлиги ва тўғри тўлдирилганлигини текширади.

Агар маълумотлар тўлиқ ҳажмда тақдим этилмаган бўлса, Асиллик палатаси маълумотларни ваколатли органга қайтариш сабабини кўрсатган ҳолда, келиб тушган санадан бошлаб бир иш куни давомида қайтариб жўнатади, бунда ноҳалол тадбиркорлик субъекти ҳақидаги маълумотлар реестрга киритилмайди.

Ваколатли орган томонидан маълумотларни қайта тақдим этиш, қайтарилган санадан бошлаб, икки иш куни давомида амалга оширилиши керак.

Асиллик палатаси тақдим этилган маълумотларни кўриб чиқилиши натижаларига кўра, ноҳалол тадбиркорлик субъекти тўғрисидаги маълумотларни бир иш куни давомида реестрга киритади.

Асиллик палатасининг тегишли ваколатга эга бўлган вакили томонидан электрон имзо билан имзоланган маълумот реестр ёзувини ташкил этади.

Тадбиркорлик субъекти у ҳақидаги маълумотларни реестрга киритиш ҳақида Асиллик палатасига мурожаат қилган ваколатли органнинг қарори устидан судга шикоят қилиш ҳуқуқига эга.

Реестрдан маълумотларни чиқариб ташлаш учун қуйидагилар асос бўлади:

маълумот киритилган кундан бошлаб бир йил ўтгач;

ягона давлат тадбиркорлик субъектлари реестридан чиқарилиши;

юридик шахс тугатилганлиги ёки якка тартибдаги тадбиркор вафот этганлиги муносабати билан (якка тартибдаги тадбиркорнинг тадбиркорлик фаолиятини тўхтатиши бундан мустасно);

тадбиркорлик субъектини реестрдан чиқариш тўғрисидаги суд қарори қонуний кучга кирганда;

тадбиркорлик субъекти банкрот деб топилиш тўғрисидаги суд қарори қонуний кучга кирганда.

Ноҳалол тадбиркорлик субъекти ҳақидаги маълумотлар реестрга киритилган кундан бошлаб бир йил ўтгандан сўнг автоматик равишда реестрдан чиқарилади.

Тадбиркорлик субъектини реестрдан чиқариш, Низомнинг 2-иловасига мувофиқ ва Низомнинг 14-бандида кўрсатилган ваколатли орган томонидан тақдим этилган маълумотлар асосида Асиллик палатаси томонидан амалга оширилади.

Маълумотлар ваколатли орган томонидан тегишли маълумот олинган кундан бошлаб 3 иш куни ичида тақдим этилади.

Ноҳалол тадбиркорлик субъектини реестрдан чиқариш учун қабул қилинган қарор ижросини тезлаштириш мақсадида, тадбиркорлик субъекти тегишли ҳужжатларни мустақил равишда, у ҳақидаги маълумотларни реестрга киритиш учун қарор қабул қилган ваколатли органга ёки бевосита Асиллик палатасига тақдим қилиш ҳуқуқига эга.

Ноҳалол тадбиркорлик субъекти у ҳақидаги маълумотларни реестрга киритиш ҳақида Асиллик палатасига мурожаат қилган ваколатли органнинг қарори устидан судга шикоят қилганда, Асиллик палатаси тадбиркорлик субъектини реестрдан чиқариш тўғрисидаги маълумотларни суд қарори чиқмагунча кўриб чиқишни рад этиши мумкин.

Тақдим этилган маълумотларни кўриб чиқиш натижалари бўйича Асиллик палатаси бир иш куни давомида, ноҳалол тадбиркорлик субъекти тўғрисидаги маълумотни реестрдан чиқариб ташлаш тўғрисида маълумот киритади.

Асиллик палатасининг тегишли ваколатга эга бўлган вакили томонидан электрон имзо билан имзоланган маълумот реестр ёзувини ташкил этади.

Реестрга киритилган маълумотларни ҳимоя қилиш учун қуйидагилар таъминланади:

реестрни жойлаштириш ва унинг ишлашида фойдаланиладиган техник воситаларга бўлган рухсатни чеклаш;

келгусида тикланишини таъминлаш учун ҳар куни захира воситасига реестрда мавжуд бўлган маълумотларни нусхалаш;

ноҳалол тадбиркорлик субъектлари тўғрисидаги маълумотни реестрга киритилган санасидан бир йил ўтгач, кўрсатилган маълумотларни архивда сақлаган ҳолда, автоматик равишда реестрдан чиқариш.

Ваколатли органларнинг мансабдор шахслари ноҳалол тадбиркорлик субъекти тўғрисидаги маълумотларни реестрга киритиш (чиқариб ташлаш) учун маълумотларни тақдим этмаганликлари учун қонун ҳужжатларига мувофиқ жавобгардирлар.

Ўзбекистон Республикасининг заргарлик соҳасидаги ноҳалол тадбиркорлик субъектлари реестрига (дан) киритиш (чиқариб ташлаш) учун маълумот берилишига масъул бўлган ваколатли органлар рўйхати

Кўпроқ янгиликлар