Qozog‘iston poytaxti Ostona shahrida Qozog‘iston raisligida Shanxay hamkorlik tashkilotiga (ShHT) a’zo davlatlar mudofaa vazirlarining navbatdagi yig‘ilishi bo‘lib o‘tmoqda. 

Tadbirda Hindiston, Eron, Xitoy, Qirg‘iziston, Pokiston, Rossiya, Tojikiston, O‘zbekiston va faxriy mehmon sifatida taklif etilgan Belarus mudofaa vazirliklari delegatsiyalari rahbarlari ishtirok etmoqda. 

Uchrashuvga ShHT bosh kotibi va ShHT Mintaqaviy aksilterror tuzilmasi Ijro qo‘mitasi direktori ham taklif etilgan. 

Eron ilk bor tashkilotning to‘laqonli a’zosi sifatida ishtirok etmoqda. Bu yil Belarus ham a’zo bo‘lishi kutilmoqda. 

Tadbirni Qozog‘iston mudofaa vaziri, general-polkovnik Ruslan Jaqsiliqov ochib berdi. Uchrashuv mintaqaviy va xalqaro xavfsizlikning dolzarb masalalari yuzasidan fikr almashish, hamkorlikni yanada rivojlantirish istiqbollarini muhokama qilish uchun maydon sifatidagi ahamiyatini alohida ta’kidladi. 

Uchrashuvda ShHT shakllanishi va rivojlanishi mintaqada tinchlik, xavfsizlik va barqarorlikni saqlashga muhim hissa qo‘shayotgani ta’kidlandi.